ھێزی " شاھۆ حسێنی " کە خەڵک و شارو پاوەېن ، سەر بە پارێزگاو کرماشان و ۋەرکۊتو کورڎسانېا .  بە مەڵامەت و ۋاتەېۊو ۋەڵاکەرڎەېۊ ڤېدېۊکلېپ و " بێلا چاو " ېۊ جە لاېەن و ھێزەکا سەربە ڕژێمو ئێرانېۋە گېرېاو پۍ ېاگێۋە نەزانېای فاڕېاۋە .

ئا ھونەرمەنڎە کوردە ، کلېپەکەش کە ۋێنەو گېان بەخشېاېا سەرھۊرداو " ژەنۍ ، ژېای ، ئازاڎی "ش جە ۋێش گێرتەبۍ ، پێشکەش و مڎرامان و گەلا ئێران- ېش کەرڎە ، کە جە دلێڕاسەو مانگەو ئەېلولوساڵەو پاری دەسش پنەکەرڎ ، تا ئېسەېچ بەشێۋێوی جېاجېا ۋەردەواما .

گۊرانېەو " بێلا چاو "ی کە بە مەعناو " ېانە ئاوا جۋانۍ ، ېان ېانە ئاوا جۋانکېلەکەم " مۍ ئا گۊرانېێنە کە جە ۋەخت و جەنگی جەھانی دووەمی ، جە مابەېن و ساڵەکا ١٩٤٣ تا ١٩٤٥ ی جە گەرمەو جەنگو دلێنەو ئېتالېای جە لاېەن و شۊڕشگێڵا دژ بە فاشېست و ئا ۋڵاتېە ۋچېێۋە ، دماتەر ئی گۊرانېۍ بېە بە نېشانۍ ئەرەکۊشای ئازاڎی وازا و پۍ سەرو فرەومزوانەکا جەھانی ھۊرگێڵېاو جە لاېەن و فرەو ھونەرمەنڎاۋە وچېێنۊ .

ھ.ئ