وۆرک شۆپو گۆڤارو ژنۆلۆژی "جە سەڎەو ٢١ ینە، سیاسەت و شێوازەکا ئەرەکۊشای دژ بە سیستەمو پیاسالاری" جە دووەم ڕۆنە بەردەوام بۍ. وۆرک شۆپەکە جە هۆڵو کۆنفرانسەکانە جە ئوتێلێوە شارەکەینە ئەنجام مڎریۆ. هامسەرۆکەو گرڎینەو دەبەپەی چیدەم کلیچگون ئوچارە، پەرلەمانتاراو ژنۍ جە فراکسیۆنو دەم پارتی، سیاسەتمەدارە سەباحەت تونجەلە، هامسەرۆکەو شارەوانی و فێمینیستۍ و چنین ژەنۍ جە وۆرک شۆپەکەنە بەشدارۍ بێنۍ.

ئەندامەو لوجنەو وەڵاکەردەیۆ گۆڤارو ژنۆلۆژی دیلان یەڵدزە ئەرەنیشتەو "دژو هرووژمە ڕەگەزپەرسیەکا، زیهنیەتو ۋێپارێزنای هامبەشی"ش بەرد ڕاوە. جە پەلیانەو ژەنانە  ڕویا کورتولوشە و چالاکوانەو تەژەئای فیگەن ئەکتی پېسە قسەکەرا بەشدارۍ بێنۍ.

دماتەر ئەرەنیشتەو "چنی ڕێبازو ئەرەکۊشای هامبەشی جە تیۆری و پراکتیکەنە پێوەرە مجمێرە؟"، ئەنجامدریا. ئەندامەو لوجنەو وەڵاکەردەیۆ گۆڤارو ژنۆلۆژی سوزان ئاکیپا ئەرەنیشتەکەیش ڕاوەبەر کەرڎ، چالاکوانەو تەژەئای بێریڤان ئەلتەرو و ئەوەکۊڵیەرەو فێمینیستی سەمیحە ئاری پېسە قسەکەرا بەشدارۍ بێنۍ.

دماتەر ئەرەنیشتەو "دژو جەنگی و قەوەتبیەی ڕاسڕەوەکا و میلیتاریزمی دۆڵەت_نەتەوەکا، ئەرەکۊشای هامبەشو ژەنا پەی ئازاڎیی و ئاشتی". ئەنجام مڎریۆ.

ئەندامەو گۆڤارەکەی، ڕۆژدا یەڵدزە ئەرەنیشتەکەی ڕاوەبەر مکەرۆ، هامسەرۆکەو گرڎینەو دەبەپەی چیدەم کلیچگون ئوچارە پېسە قسەکەرۍ بەشدارە مەبۆ.

وۆرک شۆپەکە دوور جە چەما میدیاکاوە بەردەواما، دماو ئەنجامدای ئەرەنیشتەکا دمایش پنە مۍ.