وەرزشکار (یاسین خەسرەوی)، خوتان پنەوازی تایبەت، خەڵکو شاردەگاو بانەوڕێی سەر بەشارستانو پاوە-و هەرێمو هەوراماناتی، جە میانو بەشداریش جە پاڵەۋانیی جیهانیی هۆردای قورسایی کە جە میرنشینە عەرەبییەکان (ئیمارات) ساز کریابێ، تاۋاش رکۆردێۋی (ژمارەێۋی پیمانەیی) تازەی جیهانی تۆمار بکەرۆنە.
خەسرەوی ۱۵ مەترۍ و ٤٦ سانتی مەترۍ قورسایەکەش هۆردا و بە ئی جۆرە رکۆردی وەڵین کە ١۵ مەترۍو ۲۷ سانتی مەترۍ بۍ و وەرزشکارێوی بەڕازیلیی خوتانش بێ، ماڕا و میداڵی زەڕینش بەردەۋە.

یاسین خەسرەوی، خوتان (خاوەن) پنەوازی تایبەتەن و ساڵانێۋەن سەرقاڵەن بە وەرزشو هۆردای قورسایی و یوەمین جارشەن بەشداری جەپاڵەۋانیێۋی جیهانییەنە بکەرۆن. تۆمارکەردەی ئی ژمارە پیمانەییە، خەڵکو شاردەگاو بانەوڕێ بە تایبەتیی و هەوراماناتیش بەگردیی وەشحاڵۍ کەردێنۍ و بڕیارەن بە ئەۋەگێڵایش پەی وڵاتی بەمەڕاسیمی جەماوەری گەورە پێشۋازیش ونە بکریۆن.