١ویاری سلێمانینە موبارەکە کریا
شارو سلێمانینە بە ڕاپیمای جەماوەری ١و ئایاری ڕۆو جەهانی کرێکارا بە دروشمو "نان، هەرمانە، ئازادیی" موبارەکە کریا.
ئارۆ، بە بۆنۆو ١و ئایاری ڕۆو جەهانی کرێکارا، شارو سلێمانینە بە دەسوەڵوستەی کۆمیتەو ١و ئایاری، بە درووشموو "نان، هەرمانە، ئازادیی" ڕاپیمێوە جەماوەریی شەقامو سەهۆڵەکەینە پەی وەردەمو باخو گرڏی ئەنجامدریا.
ڕاپیماکەینە کرێکارێ، مامۆسێ، فەرمانبەرێ، ڕۆشنفکرێ و توێژەکێ تەرێ گلێرگەی بەشداریشا کەرد و لافیتێ "یەکسانکەردەو مووچەی و دەرماڵەکا جە سیستەمو مووچەو هەرێمو کوردەسانی و عێراقی"، "هورشێونایۆ گرێبەسە مۆقەتەکا و بە هەمیشەیی کەردەیشا" و "خانەنشین و بیمەو کۆمەڵایەتیی گرڏو کرێکارا گێرۆوە" بەرز کریێوە.
دماو یاوای ڕاپیماکەرا پەی وەردەمو باخو گرڏی جەماوەر گلێرێ بیێوە و جەلایەنو کۆمیتەو ١و ئایاری، ئەنجوومەنو سەربەخۆی کارمەندا کارەبای و ڕێکوزیاو سەربەخۆی ژەنا پەیامەکێ ونریێوە.
