ئەکرەم ئیمامئۆغلو باڵبەس کریا
سەرۆک شارەوانی گۊرە شارو ئەستەنبوڵی ئەکرەم ئیمامئۆغلو بە ئەمرەو داواکارو گرڎی کۆماری ئەستەنبوڵی باڵبەس کریا.
ڕاگەیاندرا ئەکرەم ئیمامئۆغلو دوای ئەوەی بڕوانامەکەی پوچەڵ دەکرێتەوە، کە سەرۆکی شارەوانی ئەستەنبوڵە لەسەر پشکی جەهەپە، دەستگیرکرا.
گۆکهان گونایدن، یاردیدەرو سەرۆک فراکسیۆنو جەهەپەی، سەرو پەڕەو ڕسمی ۋێشۆ جە دیجیتاڵ میدیانە باڵبەسکەردەی ئەکرەم ئیمام‌ئۆغلویش ئەرەیاۋنا.
گۆکهان گونایدن ئەرەیاۋناش، سەرسەعبو ئارۊی کارمەنداو یاسایی بە ٢٠ ترۆمبێلێوە لوێنۍ سەرو یانەو ئەکرەم ئیمام‌ئۆغلوی، سەرۆک شارەوانی ئەستەنبوڵی و باڵبەسشا کەردەن.
داواکارو گرڎیی جە بارەو باڵبەسکەردەی ئیمام‌ئۆغلۊیۆ ئاماژەش پانەی دان بە مەڵامەتەکاو تاوانۍ، "ڕاوەبەردەی ڕێکوستەی تاوانۍ"، "ئەندامێوە ڕێکوزیای"، "تلیای چۆ جە گەندەڵیکەردەی جە تەندەرەنە" و "دەسوستەی نایاسایی زانیاری کەسی" نامبریا باڵبەسکریان.
ئەکرەم ئیمامئۆغلو سەرو لیستو جەهەپەی، جە هۊرچنیەو شارەوانییەکا سەرنیشتوو کوردەسانی و تورکیاینە جە ٣١و ئادارو ٢٠٢٤ ینە تاواش سەرۆک شارەوانی ئەستەنبوڵی بەدەس بارۆ، جە چن ڕۊی ۋېیەردەیچەنە بە بەهانۍ ساختەکاریۆ بڕوانامەو زانشتگەیش چنە سنیاوە.
ئینە جە کاتێنە ئەکرەم ئیمامئۆغلو کاندیدا پەی هۊرچنیەی سەرۆکایەتی تورکیای کە قەرارا جە ٢٠٢٨ ەنە بلۊڕاوە
