دماو ڕوۋەداو بومەلەرزەکەو سەرنېشتوو ۋەرنېشتوو کورڎسانی و تورکېای، جە پانېشتوو کورڎسانی جە فرەو یاگاۋە ھامکاری پۍ ۋنەقۊمېایا بومەلەرزەکەی کۊکریاۋە.

یۊ جا ناۋەنڎا کە جە تەرەفو چن ڕۊشنۋیرێۋەو چالاکا سېاسېۊ جە مەعمەل و جگەرەکەو سلێمانېنە بەنامۍ ھانایۊ دەسش پنە کریان، ھامکاری پۍ ۋنەقۊمېایا کۊ کەراۋە.

ئارۊ یەکێتی ژەناو کورڎسانیچ ھامکاریەکۍ ۋێش یاۋنۍ بە ناۋەنڎەکەی.

ئەرکێۋی مرۊیی و ئەخلاقی و نەتەۋەین .

بەنامۍ یەکێتی ژەناو کورڎسانیۊ کنێر عەبدوڵا قسێش کەرڎۍ و ۋاتش، " ھامخەمی و پەشتېۋانی ۋێما پێشکەش بە ۋنە قۊمېایا بومەلەرزەکەی مکەرمۍ. ئێمە ئا ھامکاریە پێسە ئەرکێۋی مرۊیی و ئەخلاقی و نەتەۋەیی ۋینمۍ. ئێمە ھۊڵ مرەیمۍ جە ڕاو کەسە دۊڵەمەنڎەکاۋەو ھەرپاسە جە ڕاو ڕێکوزیاکاوەو جەڕاو کەمپەینە جیاوازەکاوە ھامکاری ۋنەقۊمېایا بومەلەرزەکەی کەرمێنە".

ھامکاریەکۍ ئێمە فرەتەر تایبەتێنۍ بە پەنەوازیەکاو ژەنا

جە بارەو ئا ھامکاریاۋە کە کەرڎێنێشا کنێر عبدوڵا ۋاتش،" جە کارەساتۍ ئەچېنەنە پەنەوازی بە گرڎ چێۋۍ ھەن، ھەر پۊکەی پێسە یەکێتی ژەناو کورڎسانی ئێمەیچ ھامکاری ۋێما پێشکەش کەرڎ، کە فرەتەر پەنەوازیەکۍ تایبەتۍ بێنۍ بە ژەنا ، زارۊڵا ، ۋارڎەی. ٥٠ کارتۊنێما ئارڎۍ، کە ئانە بەشێۋەن جە ھامکاریەکاما. حەر کارتۊنۍ پێۋیسی سەرەتایی تا ۋارڎەیش چنە ئاماڎە کریان.

ھ.ش