جە بەردەوامی جەژنەو نەورۆزینە جە ناوچەو ئەرخەنی ئامەدی و هەزۆی هەرێمو ئێلحینە ئێرو نەورۆزی کریاوە و جە مبارەک باییەکانە خاوەنداری جە پەیامو ڕابەر ئاپۆی کریان، هەرپاسە کۆمکووژییەکەو کۆبانێ شەرمەزار کریا.

ئەرخەنی

جە مېڎانو ئۆتۆگاری کۆنینە بە بەشداری سەڎان کەسا جە ئەرەنیشتا ئەرخەنی و ئاماڎە بیەو ئەندام و نوێنەرا پارت و ڕێکوزیا مەدەنییەکا و پەڕلەمانتارو دەم پارتی عەدالەت کایە ئېرو نەورۆزی کریاوە.

جە مەراسیمەکەنە هامسەرۆکو کۆنگرەو گلېرگەی دیموکراتیکی (کەجەدە) بەدران ئۆزتورک قسێش کەردۍ و داواو خاوەنداریکەردەیش جە بانگەوازییە تاریخیەکەو ڕابەر ئاپۆی کەرد. هەرپاسە بە تنی کۆمکوژییەکەو سەرو کۆبانێش شەرمەزار کەرد.

پەڕلەمانتارو دەم پارتی عەدالەت کایەیچ ئاماژەش پانەی دا کە پەنەوازا گرڎ کەسۍ ئەرکو ۋێش جە ئاستو بانگەوازەکەو ڕابەر ئاپۆینە جابەجێ بکەرۆ.

دماو قسەکا ئێرو نەورۆزی جۆشدریا، بەشدارا بە گێڵنای زەماۋنۍ و گۆرانیۍ کوردییوە نەورۆزشا پیرۆز کەرد.

ئێلح

جە ناوچەو هەزۆی ئێلحی مبارەکبایی نەورۆزی جە دەروازەو گەڕەکەو دیاربەرکرینە ئەنجامدریا. جە مبارەکباییەکەنە چڼین کەسۍ بەشدارۍ بێنۍ، هەرپاسە پەڕلەمانتارەو ئێلحو دەم پارتی زەینەب ئۆدونجووە، هامسەرۆکۊو ئێلح و دەم پارتی سۆنگول کۆکمازە بەشدارۍ بێنۍ.

جە مەراسیمەکەنە زەینەب ئۆدونجیە قسێش کەردۍ و ناڕەزاییی ۋێش جە دژو هرووژم و کۆمکووژییەکا دۊڵەتو تورکی جە سووریانە بەربڕی و داواش کەردە ئاشتی جە هەرێمەکەنە بەرقەرار بۆ.

دماو قسەکا ئېرو نەورۆزی جۆشدریا، بەشدارا بە گېڵنای زەماۋنۍ و گۆرانی کوردییوە نەورۆزشا پیرۆز کەرد.