گۊشەگێریی سەروو "عەبدوڵڵا ئۊجالان"ی ڕابەروو گەلوو کورڎی ڕۊ بەڕۊ قورستەر کریۊ. جارێوە تەر سزاو یەرێ مانگا قەڎەغەکەرڎەی چەمپەنەکەوتەی چەنی بنەیانەکەیش سەروو ڕابەر ئۊجەلانیرە سەپییا.
زیاڎتەر جە ٢١ مانگان بە حیچ نۊعێوە زانیاری جە بارەو "عەبدوڵڵا ئۊجەلانی ڕابەروو گەلوو کورڎی و عومەر خەیری کۊناری و وەیسی ئاکتاشی و هامیلی یڵدمری" و زینڎانییاو تەروو ئیمڕاڵی نییا.
پارێزەراو بنەیانەو عەبدوڵڵا ئۊجەلانی ڕابەروو گەلوو کورڎی و زینڎانییا تەرێچ گرڎ حەفتێوە داواکاری پەی چەمپەنەکەوتەی پێشکەش کەرا، وەلێم بە بەهانێ 'سزاو دیسیپلین'ی و 'قەڎەغەو چەمپەنەکەوتەی' داواکارییەکۍ ڕەت کریاوە.
دماین جار ٩ ئەیلوولوو ٢٠٢٢، سزاو دیسیپلینی سەروو ئۊجەلانی و زینڎانیەکا تەریرە سەپییبۍ و جە ٩ کانوونوو یووەمینە ٢٠٢٢ سزێکۍ سەپییبۍ. دماو دماییئامای سزێکۍ، پارێزەرەکۍ جە ١٥ و ٢٣ کانوونوو یووەموو ٢٠٢٢ و ٣ی کانوونوو دووەموو ٢٠٢٣، یەرۍ جارۍ داواکاریشا پێشکەشوو داواکاریی کۊماری کەرڎێبۍ، بەڵام داوکارییەکە بێئەنجام بۍ.
بە پاو هەواڵێوە ئاژانسوو میزۊپۊتامیای، داڎگاو بورسای بە پارێزەراش واتەبۍ، یەرۍ مانگێ تەر سزاو چەمپەنەکەوتەی سەروو ئۊجەلانیرە سەپییان، کە مەتاوۊ خانەوادەکەیش بوینۊ. قەڎەغەکە ٤ ئی مانگۍ سەپییان. سزێکێچشا پێسە بەهانێوە نیشانە دێنە.
پارێزەراو "عەبدوڵڵا ئۊجەلان"ی و یەرێ زینڎانییەکای تەریچ جە ١٠ کانوونوو دووەمینە تانێشا جە بڕیارەکەو قەڎەغەکەی دا. داڎگا سزا قورسەکاو بورسایش هەمان رۊ سەردای پارێزەراش ڕەت کەرڎۊ.
پارێزەرەکۍ واتشا، ئاڎۍ جە دژوو قەڎەغەو چەمپەنەکەوتەی، جە داڎگای دەستوورینە سکاڵا تۊمار کەرا.
