سەرھۊرداو گەلی بە کوشتەو " ژېنا ئەمېنی " جە ١٦ و ئەېلول و ٢٠٢٢ دەسش پنەکەرڎ و تا ئېسەیچ ۋەردەوامېش ھەن ، بە ۋاتەېۊ دروشمەکاو ، ئێرکەرڎەېۊ مجېێرە دلۍ جادەکا و بە نۋېستەی سەرو دېوارەکاۋە گەلو کورڎی و گەلا تەرو ئێرانی پەېامو ۋەردەوامی تا سەرکۊتەې مڎانۍ ، ڕژێمو ئێرانې-چ پۍ کپ کەردەو ۋێنېشاندەرا پەناش بەرڎەن ۋەرو گێرتەیشا و سەپناو سزۍ سەرشارەو بۍ سەرو شۊنکەردەېشا .

 پەروانە کدخود قەمسەری ، ئەڎانەو تەنېا سەرپەرشتکارەو زارۊڵێۋە عومر پەنج ساڵېنە ، جە١٥ و کانونی ېۋەمېەنە ھێزە ئەمنېەکۍ ھورشا کوا سەرو ېانەکەېش و گێرتەشا ، دماتەر پۍ گێرتەخانەو ئەڤېن-ی فاڕېاوە تا ئېسەېچ ھېچ زانېارېێۋە سەرو ئاژەو پەروانەی نېارۍ .

باس چانەېچ کرېان دماو گێرتەېش جە ۋەخت و فاڕاېۊېش پۍ بەندو ٢٠٩ و گێرتەخانەو ئەڤېن-ی ئاگادار کرېێنۊو دماو سەرەرە وېەردەو مانگێوی ، ھېچ زانېارېێۋە جە بارەو ئاژەوئېسەو ئا تۊمەتۍ کە قەرارا درېانە پاڵش نېارۍ .

ھێزی ٢٤ و کانونی دووەمی " شېلان ڕەشېدزادە " خۊنکارەو لێژەو ژمێرېاری زانستگەو پەېام نورینە جە سەقز و چالاکەو بوارو ژېوگەېنەو ئەنڎامەو " گلێرگەو ھېواو زانست "و شارو سەقزینە ، جە ٣ کانونو دووەمی جە ۋەختو سەرھۊردا سەرانسەرېەکەېنە جە لاېەن و ھێزە ئەمنېەکاۋە جە کتێبخانەو " ژېلا حوسەېنی " جە شارو سەقزی بەبۍ ئەمرەو داڎگای جە لاېەن و ھێزە ئەمنېەکاو ۋەزارەتېۊ گېرېا .

شېلانە پۍ ناۋەنڎو گێرتەخانەو خاسکەرڎە(چاکسازی)و شارو سنەی برېا ، دماو ٢٠ ڕوا بە کەفالەت و بەشێوێی کاتی ئازاڎا کرېا تا دما نېشتەېرەو داڎگاېش .

نەغمە ڕەجەبی فەر ، وێنېشاندەرەنەو جە تاران جە ېانەکەشەنە گېرېا ، بە تۊمەتەو " کۊبېەېۊو ھامکاری کەرڎەی دژو ڕژێم "ی جە لاېەن و لق و ٢٦ و داڎگاو ئېنقېلابېۊ بە ٢ ساڵۍ گێرتەی سزا درېا ، پێسە سزێۋە زېاڎۍ سزاو قەڎەغەکەرڎەو لوای بەرېش جە ئێران و ٢ ساڵۍ قەڎەغەکەرڎەو بەکار ئاردەو تۊڕە کۊمەڵاېەتېەکاو مۊباېلە ھۊشمەنڎەکا ، ھەر پاسە ئاماڎەکەرڎەو توێژېنێوی دەس نوېس سەرو گەندەڵی و تاوانەکاو ڕژێمو پەھلەوېش سەرەرە سەپېا .

ھ.ئ