ناوەندوو ئەرەیاۋنای و چاپەمەنی یەکینەکاو پارېزنای ۋەرکەوتوو کوردسانی (یەرەکە) بە ئەرەیاۋنېوە ئشناسنامەو گەریلای گەشمەرڎەی شەڕڤان ڕۆژدا (سانی ئیمانی)ش ئاشکرا کەرد، کە جە ئاکاموو هجووم و فرۆکېوە وشکنای دەوڵەتوو ئەرەگیروو تورکینە جە ئاسۆسەنە گەشمەرڎەبیەن.

ئەرەیاۋناکەو یەرەکەی پی جۊرەنە:

" ٣٠ی کانوونوو یوەم و ٢٠٢٣ێنە فرۆکەو وشکنای دەوڵەتوو ئەرەگیروو تورکی هجوومش کەرد سەروو هەرێموو ئاسۆسی. جە ئاکاموو ئا هجوومەینە هەڤاڵما شەڕڤان ڕۆژدا کە چا وەختەنە جە ئەرکۍ شۆڕشگێڵنانەو ۋێشەنە بۆ، بۆ بە ئامانجوو هجوومەکەی و گەشمەرڎە بۆ.

هامڕاما سانی ئیمانی شارو ماکۊینە جە ۋەرکەوتوو کوردسانینە جە ئەڎۍ بییەن. پېسە گرڎوو زاوڵا تەروو کوردسانی، زاوڵەیی ۋێش چنی زوڵم، ئەرەگیری و نادادپەرەوەری گەورە مکەرۆ. پۊکەی چنی گەورەبیەیش تا مۍ هەستی وڵاتپارێزنی جە دڵ و دەروونشەنە گەورەتەر بۆ. گەشمەرڎەبیەو ڕۆژدا زاگرۆسی کە گەشمەرڎېوە نزیک جە ۋێش بیەن، کاریگەریۍ فرەش سەر وەش مکەرۆ. هەر ۋەروو ئی مەڵامەتیچە ناسنامۍ شەڕڤان ڕۆژدای جە ۋێش منیۆ و پەیوەندی بە ڕیزەکاو گەریلا ئازاڎەکا کوردسانیوە مکەرۆ.

دلۍ ڕیزەکامانە، جە ماوێوە فرە کەمەنە فێرو ژیۋای کەردەی گەریلایی بۆ. حەر شۊنېوە کە پێویس بیەبۆ بۍ دوودڵی کارەکاش کەرۍ. پەی ئانەی بۆ بە میلیتانێوە حەقەتینە جە وەختوو پەرەوەردەکەردەینە هەمیشە جە کۊششەنە بۍ. حەتا دمائامانجوو ۋێش جە کۊشیاینە بۍ پەی ئازاڎیی ڕابەر ئاپۆی و دلۍ ڕێزەکامانە تا دما نەفەس ژیۋایۍ ئەرەکۊشایش بەرد ڕاوە.

پېسە یەکنەکاو پارېزنای ۋەرکەوتوو کوردسانی سەرساغی ۋێما پەی بنەیانەو شەڕڤان ڕۆژدای و گرڎوو گەلی وڵاتپارێزنیما موازمۍ. قەولما واوەی مکەرمېوە تا بەدەسئاردەی سەرکەوتەی، درێژەپنەدەروو ئامانجوو گەشمەرڎاما بیمۍ.

زانیارییەکۍ سەروو ئشناسنامەو گەشمەرڎەی پی جۊرەنە؛

نامۍ و دمانامۍ: سانی ئیمانی

ناسنامۍ: شەڕڤان ڕۆژدا

شۊنماو وەختوو بەشداربیەی: ماکو-٢٠٢٢

شۊنماو وەختوو گەشمەرڎەبیەی: ٣٠/١٢/٢٠٢٣- ئاسۆس."