دما بە دماو ۋەڵاو بیەیۊ جاڕنامەو دیموکراتېکو ڕێکوزیا پېشەیی و مەڎەنی و زانستگەییەکاۋە،گلێرگەو دیموکراتېکو ئازاڎیی ۋەرکۊتوو کورڎسانی(کۊدار) ئەرەیاۋنێۋەش جە بارەو ئا جاڕنامەیۊ ۋەڵاو کەرڎۊ.
گلێرگەو دیموکراتېکو ئازاڎیی ۋەرکۊتوو کورڎسانی(کۊدار) جاڕنامەو ڕێکوزیا پېشەیی و مەڎەنی و زانستگەییەکا بە ھەنگامێۋی جدی و بنیاتنەرانۍ جە پاو ھاندای بەقوەتو ھێزە شۊڕشگێڵەکانە حساب کەرمۍ و ئەرەیاۋناش، ئی ئاخێزو جمېەرە کۊمەڵایەتیە سەرو سکۍ دیموکراسېۊ بە ئازاڎی میاوۊ.
دماو ۋەڵاو بېەیۊ جاڕنامەو دیموکراتېکو ڕێکوزیا پېشەیی و مەڎەنی و زانستگەییەکاۋە، گلێرگەو دیموکراتېکو ئازاڎیی ۋەرکۊتوو کورڎسانی(کۊدار) ئەرەیاۋنێۋەش جەبارەو ئا جاڕنامەیۊ ۋەڵاو کەرڎۊ.
دەقو ئەرەیاۋناکەو کۊداری:
ئاخێزو " ژەنی ، ژیای ، ئازاڎیی " گرڎو گلێرگەو ئێرانېش جە پاو یاوای بە ئازاڎیی و دیموکراسی ھوشیار کەرڎۊو یۊش وستۍ. تایبەڎمەندی و ھوشیارکەرڎەیۊ ئی ئاخێزەیە کۊشیای ڕێکوزیا مەڎەنیەکاش پاڵ و چېنو توێژو جەمەکاو گلێرگەینە یۊگێرتە تەر کەرڎەن.
ئی یۊگێرتەیە جە ئاستو ۋێشەنە پۍ جەمەکاو گلێرگەی ھومێڎ بەخشاو ئی جۊرە دلۍ دیالێکتۍ شۊڕشگێڵانەینە ڕەوتو شۊڕش دیاری و ڕاکێش ڕۊشن کەرۊۋە.
جە قۊناغەو ئارۊینە، کە گلێرگە سەرحاڵوبنیاڎنیاو بنەڕەتە تازەکان پۍ بەدیئاماو ئازاڎی و دیموکراسی، بەشۍ جە ڕەوتەکا ئېنۍ ھۊڵو ئاڕاسەکەردەو سەپنای سېستمو ناۋەنڎ گەراینە، کە بە سەپناو ناۋەنڎ گەرایی و دژایەتی کەرڎەی فرەیی، دیسان مافو گەلا، چېن و توێژەکا، ڕێکوزیاکا، جمیەرەکۍ و جەمە جۊراو جۊرەکاو ڕێکوزیا مەڎەنیەکا پاشێل کریا. چی ئاژە فرە ناسکەنە، پڕۊژەو ۋەڵاکەرڎەیۊ جاڕنامەو "ڕێکوزیا سەربەخۊ پېشەیی و مەڎەنیەکا ئێرانی"و حەرپاسە بەشۍ جە "مامۊسایاو توێژەراو زانستگەییەکا" جە پاو بنیاڎنیاو بنەڕەتۍ تازەی جە ئێرانەنە، یاگۍ ۋەشحاڵېن و متاوۊ پۍ ئاخێزو "ژەنی ، ژیای ، ئازاڎیی" بۊنە بە پاڵنەرێۋە فرە عال. ئی ھەڵمەتە مەڎەنیۍ جە دلێنەو ۋڵاتینە چەقو دوژمنایەتی کەرڎەو ڕەوتو ۋەکالەتو تاراوگە نشېنەکان. بێگومان جە ئێرانەنە، کە قەیرانەکۍ یاۋێنۍ قولۍ گلێرگە ئېنا چێرو سنانی و گەندەڵی وزوڵمی زیاڎ بیەینە، جە ھۊڵو گێڵای شۊنەو بەرشیەی چا ئاژەیە بە پەشت بەستەی بە داواکاری و داوا ڕێخەییەکا گلێرگەی مەڎەنی و بەشڎاری پنەکەرڎەو چین و توێژەکا، جەمەکا خەڵکی و پېشەوەرە جۊراو جۊرەکا جە چۋارچێۋەو فرەچەشنی ڕاۋەبەری ئی شۊڕشەو ئیسەینە، پەنەوازیۍ ناچارین.
شۊڕشوو گەلا ئینا ئاستێوەنە، کە ڕژێم بۊنەو تەرسۍ جە جیددیبییەیش، بە پەنابەرڎەیش وەروو کوشتاری، زینڎانی، ئەشکەنجەی و جەداردای دەسش کەرڎەن بە سەرکوتی تەمامەتی، شان بەشانوو ئانەیچ بەشێوە جە ڕەوتە میانوازەکا و دژە دیموکراتیکەکا سەرقاڵوو پڕۊژە و سیناریۊگەلێوەنۍ، پەی دەسگێرتەی ملوو ئا شۊڕشیرە. ئا هەرمانۍ هاموەخت ئینا مسڵەحەتوو ڕژێمینە، چونکوم خەڵکش جە هەستوو شۊڕشی دوور وستەنۊ. بەدڵنیاییوە هەوڵۍ بێوچانۍ ڕێکوزیایەکاو گلێرگەی مەدەنی، پاڵوو کرڎەوە و چالاکیی شۊڕشگێڵنانە و جەموو گلێرگەینە، بۊ بە ڕاگێر وەرڎەموو دەسگێرتەی ملوو شۊڕشوو "ژەنی، ژیوای، ئازاڎی"یرە، جە لاو بەشێوە چا ڕەوتاوە کە ئینۍ کەمینەنە پەی دەسگێرتەی ملوو ئا شۊڕشیرە. چارەسەرکەرڎەی قەیرانە سیاسی، ئابووری، کۊمەڵایەتی و ژیوگەییەکا، ئازاڎیی ژەنا و گەلا بە وەڵاکەرڎەیۊ جاڕنامەی دیموکراتیکی و فرەچەشنوازی، کە مافوو گرڎوو بەشەکاو گلێرگەی گەرەنتی کەرۊ پێویسیێوە ژیواین. چێگەوە پیویسا ڕێز جە جاڕنامەو وەڵاکریاوە و ڕێکوزیایە پیشەیی و مەدەنی و زانکۊییەکا و کۊڵییەرا گیریۊ، پەی گەشەدای بە پرۊژەی وەرفراوانتەری و وەروەڵاتەری، بە وەرەچەمگێرتەی لایەن و ڕهەندە دیموکراتیکەکا هەوڵۍ زیاڎتەر دریۊ. گرڎوو ئا هەوڵا سەلەمناش، کە گلێرگە و بەشە وافرەکێش چێولای گرڎوو ستەمە نۊعاونۊعەکا و دۊخی فرە نائاسایی و قەیراناویی ئیساتۍ چانەی زیاڎتەر قبووڵ مەکەرا و وێشا پەی بەرشییەی چا دۊخەیە ئامادە کەرڎەن و دەسشا بە هەڵمەتا کەرڎەن.
"گلێرگەی دیموکراتیک و ئازاڎوو وەرکەوتوو کورڎسانی (کۊدار)" هاموەخت چەنی بەخاسزانای جاڕنامە وەڵاکریاوەکەی جە لاو "ڕێکوزیایە سەربەوۍ و پیشەیی و مەدەنییەکا" و "زانکۊییەکا و کۊڵییەرا" و بە بونیاڎنەرانەزانای لایەن و ڕەهەندەکا، ئینا چا بڕوانە، متاوۊ سەروو کەموکوڕییەکاوە هەرمانە کەرۊ و چارەسەرش کەرا و پانەی چکەراش دەسکەوتوو دیموکراتیکوو قۊناغوو شۊڕشی. کۊدار ئینا چا بڕوێنە، تا ئیساتۍ گلێرگە جە سیستموو وێبنیاڎنەرانەو وێش بێبەش بییەن، پەوکای شۊڕشوو "ژەنی، ژیوای، ئازاڎی" پێویسا وارۊ جە لاو پێکئامایەکاو گلێرگەی وێشۊ، بەرەو وەڵی بریۊ نەک سەرۊ لاوهێزە قۊرغکارە دەسەڵاتواز و پاوانوازەکاوە. شۊڕشوو ئیساتۍ جمیەرێوە وەروەڵاو داواکاو گلێرگەین و پەشتبەستەن بە ئیراڎەی، واستەی و داوا وەڵێکەوتەوازەکاو جەموو خەڵكی، پەوکای جاڕنامەو ڕێکوزیا مەدەنی و کۊڵییەرەکا بە هەنگامێوە بونیاڎنەرانۍ بۊنەو هاندایۍ بەقووەتوو هێزە شۊڕشگێڵنەکانە لەیەک مڎەیمێوە، ئی شۊڕش و جمیەرە کۊمەڵایەتییە سەروو سکۍ دیموکراسیوە یاوۊ بە ئازاڎی.
ھ.ش / س.ج
