پارێزەراو نۋیسېنگەو یاسایی سەڎەی پۍ ئانەی موەکېلەکاشا عەبدوڵا ئۊجالانی و گێرتا تەری عومەر خەیری کۊنار ، حامېلی یەڵدرم  ، وەیسی ئاکتاشی بۋینا داواکاریشا بەرزکەرڎۊ.

پارێزەرەکۍ باسشا چانەی کەرڎ، کە بە مەڵامەتو ڕوۋەداو بومەلەرزەیۊ جە مەرەش ئەشۊ عەبدوڵا ئۊجالان و گێرتاکا تەری بتاۋا دیڎار چنی بنەیانەکاشا ئەنجام بڎا.

پارێزەرەکۍ ۋاتشا؛ "داواکاریشا جە ڕۊو ٧ و ٨ و شوباتی ئاڕاسەو داواکارو گرڎی کۊمارو بورسای و ڕاۋەبەری جابەجاکەرڎەو سزای جە ئېمڕاڵی کریان".

پارێزەراو نۋسېنگەو یاسایی سەڎەی ئەرەیاۋناشا:'' بە مەڵامەتو بومەلەرزەېۊ زەرەرۍ گۊرۍ ڕوۋەشا دان، ۋەرو ئانەی بنەیانەو موەکېلەکاما ئېنا چا مەنتیقانە، ئێمە داواکاریما ئاڕاسەو داواکاری گرڎی کۊمارو بورسای و ۋێڕاۋەبەری دەزگاو جابەجۍ کەرڎەو سزاو ئېمڕاڵی کەرڎ. ۋەرو ئانەی بەھېچ جۊرۍ مەتاۋمۍ زانېاری جە بارەو موەکېلەکاماوە دەس وزمۍ و موەکېلەکێچما مەتاۋا زانېاری ورگێرا، ئێمە داواما کەرڎ کە دیڎار جە مابەینو بنەیانەو پارێزەراو مۋەکېلەکامانە ئەنجام بڎریۊ".

ھ.ش