فەلەکناس ئوجا پەرلەمانتاروو هەدەپەی پڕۊژە پرسیارێوەش سەبارەت بە گۊشەگێریی سەروو ڕێبەروو گەلوو کورڎی عەبدوڵڵا ئۊجەلانی پێشکەشوو وەزارەتوو داڎی کەرڎ و پەرساش: "ئایا لەیەکدایۊ پەی سزاو دیسپلینی و قەدەغەکەرڎەی چەمپەنەکەوتەی هەن؟.
فەلەکناس ئوجا پەرلەمانتاروو ئێلحوو پارتی دیموکراتیکوو گەلا (هەدەپە)ی سەبارەت بە گۊشەگیریی تنڎوو سەروو ڕابەروو گەلوو کورڎی "عەبدوڵڵا ئۊجالان" جە زیندانوو ئاسایشوو باڵاو جۊری ئێفی جە ئیمراڵی، پرسیارەش جە "بەکر بۊزداغ"ی وەزیروو داڎی کەرڎە.
جە پرۊژە پرسیارەکێنە ئامان، داواکاریی پارێزەراو "عەبدوڵڵا ئۊجەلان"ی پەی چەمپەنەکەوتەی سەروو بنەماو "سزاو دیسپلینی" و "قەدەغەکەرڎەی چەمپەنەکەوتەی" ڕاگێرییش چەنە کریۊ و بارەو عومەری خەیری کۊناری، وەیسی ئاکتاشی و حامیلی یڵدرمی، کە چەنی "عەبدوڵڵا ئۊجالان"ی ئینۍ جە هەمان زیندانداننە ئی پرسیارۍ کریۍ:
* "ئایا حیچ شرۊڤە و لەیەککدایۊیۍ پەی قەدەغەکەرڎەی "سزاو دیسپلینی" سەروو بەڕێز "ئۊجالان"ی هەن، کە ماوەو زیادتەر جە ٢١ مانگان حیچ هەواڵێوەش نییا و گرڎوو کەناڵەکا پەیوەندییش چەنە گیریێنۍ، کە پەی زیندانییەکای تەری ڕاپەنەدریێنێ؟
* هۊکاروو 'سزاو دیسیپلین'ی چێشا، کە سەروو بەڕێز عەبدوڵڵا ئۊجەلان"ی، عومەر خەیری کۊناری، وەیسی ئاکتاشی و حامیلی یڵدرمیرە سەپییان؟
* پەی چێشی زانیاریی پەیوەندیدار بارەو هۊکاروو تارێخوو کاتوو سزاو دیسیپلینوو سەروو بەڕێز "عەبدوڵڵا ئۊجەلان"ی و زیندانیای تەری بە پارێزەرا مەدریۊ.
* بنەمای یاساییەو ڕاگێریکەرڎەی جە چەمپەنەکەوتەی بەڕێزا "عەبدوڵڵا ئۊجالان، عومەر خەیدەری کۊنار، وەیسی ئاکتاش و حامیلی یڵدرم"ی چەنی پارێزەرا و بنەماڵەکاشا چێشا؟
* هۊکاروو بەرڎەوامیدای پا سەپنایا و پاشێلکەرڎەی ماددەکاو قەدەغەو ئەشکەنجەو پەیماننامەو مافوو مرۊڤوو ئەورووپای، پەی چێشی گێڵۊوە؟".
ژ.ت
