لە گەڕەکەو ئارموتلوو هاتاینە ١١ڕوێن  دەوڵەت و دەسەڵاتدارەکۍ حیچ پێویسیێوە سەرەکیشا نەیاونان خەڵکی، بنەیانەکۍ هەوڵۍ مڎا جەنازاو کەسوکارەکەیشا ور گێراوە. یۊ جە ئەرەنیشتاو گەڕەکەکۍ "سوبحی ئیمسەیت ئۊغڵو" باسش چانەیە کەرد، نەک گەل، بەڵکوم چێگە دەوڵەت چێروو سەقف و پایەو یانە وڕیایەکانە مەنەنۊ.

ئیمسەیت ئۊغڵو کە جە بوومەلەرزەکەنە یانەکەشا جاڎەو سۊگوتلوو دەوروو تورونچلوینە بییەن، وێران بییەن، باسش چانەیە کەرد کە گرڎوو زارۊڵەکاشا، تێکەڵۍ یانە وێرانبییەکا بیێنۍ. ئیمسەت ئۊغڵو بوومەلەرزەکەنە کناچە یەرە ساڵەکێش و بنەیانە و هامسێکێش ڕزگارێش کەرڎێنۍ، باسش چانەیە کەرد، کە ئەگەر هامکارییشا زوو یاویۍ پەنە فرێشا ڕزگارشا بۍ. ئیمسەت ئۊغڵو ئەرەیاوناش، "ئانۍ کە نەشناسێناشا، پەی ڕزگارکەرڎەیشا چێروو یانە وڕیایەکاوە چڕێنێم. نەتاوێنا بە تەنیا چێوە وڕیایەکا لا بەروو سەرشاوە. چەمەڕایم کەرد، پاسە ویرێم کەرڎۍ، کە دەوڵەت بە گرڎ نۊعۍ هامکاریما کەرۊ، وەلۍ دمانیمەڕۊ زانام، کە نە دەوڵەت و نە حیچ ئەرەمەرزیێوە دەوڵەتی نامۍ دەمماوە.

ئیمسەیت ئۊغڵو باسش چانەیە کەرد، چا گەڕەکانە کە حەرگیز ئافاد نەمان، هەرمانەو گێڵای و ڕزگارکەرڎەی خەڵکی تەنیا وێبەخشا و کرێکاراو کانەتەوەنەکا کەرڎەن. باسش چانەیچ کەرد، کە "ئافاد" نەک حەر هامکارشا نەبییەن، بەڵکوم ئا ئامێرێچشا دەس گێرتێنی ملەرە، کە بە زەڕ ئارڎێبێنێچشا و واتش، "ئا هامکاریۍ کە قەوم و کەسوکارەکەیما و رێکوزیایەکاو عەلەوی جبەرۊ کیانێبێنێشا، بە بەهانۍ دۊخی نائاساییوە دەسشا گێرتۍ ملرە. تورک تلیکۊم چا قۊناغەنە تێک شی. جەنازەکۍ چیروو وڕیایی یانەکانە بێنۍ، من هەوڵۍ دێنا پەیوەنڎییشا پۊوە کەروو وەلێم پسووڵەم پەی ئێوە.

ئیمسەیت ئۊغڵو واتش، کە نەتاوانش چارەنویسوو قەومۍ وێش بە نامۍ "لوتفیە ئیمسەت ئۊغڵو"ی کە بەزیندەیی رزگارەش کەرڎە بزانۊ و واتش، "ئاڎەشا بەرڎە خەسەخانەو دەفنەی و دماتەر ڕوانەو یاگۍ تەری کریێبۍ ، کەچی ئیسە مەزانمۍ ئینا چە خەسەخانێوەنە. حیچ تۊمارێوە نییا، ماوەی ١٠ ڕوان هەوڵۍ مڎەیمۍ، شار بە شار، خەسەخانە بە خەسەخانە گێڵمۍ مەوێزمێشۊ".

ئیمسەیت ئۊغڵو ئانەیچش وست ڕووە، کە فرەو جەنازەکا، بە بۍ هاگاداری بنەیانەکاشا ئسپاریێنۍ بە خاکی و واتش، "جەنازەکۍ  کە ٣ ڕوۍ سەروو شۊسەکاوە مەنێبێنۍ بریۍ پەی قەبرسانی کۊمەڵی جە "نارلیجای" سەروو ڕاو "ڕەیحانلی". وەروو ئانەی کە تۊمرۍ نەکریێنۍ جەنازەکۍ مەوێزیاو. ناسنامەکێچشا دەسنیشانۍ نەکریێنۍ. وەختۍ چا ئۊو پۊلیسیما پەرسا واتشا، دماو ٥-٦ مانگا سەروو ماڵپەڕوو والیگەریوە، لیستوو ناسنامەکا ئاشکرۍ کریا. نامۍ جەنازەکا ٥-٦ مانگۍ تەر ئاشکرۍ کریا".

ئیمسەیت ئۊغڵو ئانەیچش وست ڕووە کە ئاڎۍ عەلەویێنۍ، وەردەموو مەرگینە جیۍ ئازیێنۍ و واتش، "ئێمە بەتەنیا جیا ئازیایمۍ. چوار ڕۊی ئەوەڵنە چێروو یانە وڕیایەکانە دەنگوو خەڵکی ئۍ، بەداخۊ کەرەسۍ ڕزگارکەرڎەی نەبێنۍ. دماو ئانەی کەرەسۍ دێر ئامۍ ئیتر دەنگ نەمەن، ڕەفێقەکێم گرڎ چا بێنۍ، حەرگیز ئانەم هۊش مەشۊوە، نمازوو زارۊڵە یەرەساڵانەکەیچم هۊشش بشۊوە".