ئیزمیرەنە ١٠ کەسۍ زینانیۍکریۍ

جە کۆو ئا ٥٤ کەسەی جە ئیزمیرەنە باڵبەسۍ کریۍ، بە بانگەشەو 'شێونای یاساکاو ۋێنیشاندای' ١٠ کەسێشا زینانیۍ کریۍ.

دماو دەسپنەکەردەی چالاکییەکاو شەرمەزارکەردەی گێرتەو سەرۆک شارەوانی گۊرە شارو ئەستەنبوڵی ئەکرەم ئیمام ئۆغلووی، جە ئیزمیرەنە ٥٤ هاموڵاتیۍ بەشدارۍ چالاکییەکا باڵبەسۍ کریۍ، وە بە بانگەشەو 'شێونای یاساکاو ۋێنیشاندای' ١٠ کەسێشا زینانیۍ کریۍ.

نامۍ ئا کەسا کە زینانی کریێنۍ پی جۊرەنە: ئەمرە ساریکایە، یوسف مەتین کاراکایە، سەلدا سەلمان، مەرد گۆگدەنیز، دیار فیندیک، سەردار ئاکتورک، جەمال کارا، حەسیب ئەرکان گۆکبەر، بیرکان پۆلات و ئۆگوزخان سەلمان.

ئەرەیاۋېیا ۋنەپەرسایۆ چا کەسایچە کە ئینۍ چێرو چەمڎارینە بەردەوامە.