جی ژمارەو گۆڤارو ئاڵتەرناتیویەینە هۆرسەنگنای پەی دووەمین ساڵڕۆو شۆڕشو ژەنێ، ژیوای، ئازاڎی کریان و لایەنە ئەرێنی و فاڕیایە ریشەییەکۍ کە جە گلێرکەنە و سەرو گەلا مەنتیقەکەی وەشش کەرڎەن، باسكریان. هاموەخت ئاماژە بە خاڵە لاوازەکا شۆڕشی و شێوازو چارەسەركەردەیشا و زیاتەر کەرڎەی کۆششەکا و رێبازەكا وێپارێزنای جە ۋەرا ۋەرو هجومەکا رژێمینە کریان.

بەشێوەتەرو گۆڤارو ئاڵتەرناتیوی سەرنج موزۆنە سەرو ئا دەنگە ئازاڎەو شۆڕشی كە حەجگیز كپ نمەکریۆ و رژێمو ویلایەتو فەقۍ بە تنکەردەی فشارەكاش سەرو گلێرگەی و میلیتاریزەكەرڎەی شارەكا و پەلاماردای و چێرپا وستەی مافەكا مرۆڤی و ئازاڎی ڕابەربڕیەی و هرووژمەکێش سەرو زیڼانیا سیاسی و حوكمو جە قەنارەدایشا ۋێش جە ویست و داواكاریەكا  گەلای دزۆوە و بە وەڵێوستەی کۊششی دیبلۆماسی و رێككۊتەی مېیاندۆڵەتی هەوڵو درێژكەردەیۆ تەمەنیش مڎۆ. جە كاتێنە دەنگ و هەستو شۆڕشی بە گەرم و گوڕی و ۋۍ بە ڕێکوستەکەرڎەی جە تەمامو گلێرگەینە رەنگ مڎۆوە

جە دووەمین ساڵیاڎو شۆڕشو ژەنی، ژیۋای، ئازاڎینە سەرەڕاو ئانەی كە ئا شۆڕشە جیهانی و دیموكراتیەو گەلا بە جۆشو خرۆشۆ بەرز راگیریا، مەدحو هەڵوێسی کۊششکارنەو گەلی جە ۋەرکۊتوو جبەرو وڵاتی و زیڼانەکا ئێرانی مکەرمۍ.

 ئی ژمارەو گۆڤارو ئاڵتەرناتیوی پێشکەش مکەرمۍ بە رۆحی پاكو گرڎو گەشمەرڎا شۆڕشو ژەنی، ژیۋای، ئازاڎیی.

ۋەنەرە وەشەسیایەکۍ متاوا پەی هۆرگێرتەو فایلی تازەو ژمارە ٢٩و گۆڤارو ئاڵتەرناتیوی سەرۋنەو ماڵپەڕو پارتو ژیۋای ئازاڎی کورڎەسانی "پەژاك"ی  PJAK.NET  بڎەیدۍ.