سەرسەعبو ڕۊو ٦و ئی مانگۍ، چن بومەلەرزێۋە کە بەقوەتتەرینشا گوڕەکەش ٨.٧ پلۍ بۍ بە پاو پېمانەو ڕێختەری، بەشۍ جەمەنتېقەکاو سەرنېشتو کورڎسانی و تورکېای و ۋەرنېشتو کورڎسانی و سوریایش گێرتۊو جە ئاکامشەنە بە ھەزاران کەسۍ چا مەنتېقانە کەبومەلەرزەکە ڕوۋەشدا بۍ یانەو مەنزڵۍ بېێنۍ و ھەزاران یانێو بېنۍ ئەرەنېشتەی وێرانۍ بېێنۍ و زەرەرۍ فرەی گیانېچش چنە کۊتەنۊ.

ژمارەو گېان جەدەسدای بە مەڵامەتو بومەلەرزەکەیۊ یاۋان ١٤ ھەزارێو ١٤کەسۍ، ٦٢ ھەزارێو ٩٣٧ کەسێچ زامڎارۍ بیێنۍ و زیاڎ جە ٨ ھەزار کەسێچ ڕزگار کریێنۍ.

بە مەڵامەتو بەقوەتی بومەلەرزەکەیۊ ٦ ھەزارێو ٤٤٤ بېنۍ و باڵەخانۍ وڕێنۍ و جە ٦ و مانگێۋەن تا ئارۊ ١٠ ھەزارێو ٥٢ بومەلەرزۍ ڕوۋەشا دان.

بەپاو ئامارە فەرمېەکا، بە مەڵامەتو بومەلەرزەکەیۆ ١٣ ملوێن کەسۍ بۍ یانەو مەنزڵۍ بیێنۍ

و چا ژمارەیە ٥ ملوێنێشا حېچ مەنزڵێشا نیا کە چنەش مەناۋە.

ھ.ش