زېنک ڕۊڵێۋە خاس گێڵنۊ جە کرڎارەکاو لاشەېنە ، بە تاېبەت پڕۊسەو ھەرسېنە – مېتاپۊلېزم

سیستەمو وەرگېری لاشەی پارێزنۊ، شانە مەڕېاکاو لاشەی وەش کەرۊۋە ، لاشەو ئېنسانی بە شێوێۋە خۊڕسک زېنک ھورمەگێرۊ ، پۊکەی پەنەوازەن ئا وارڎۍ ورېا کە زېنک-شا چنەن .

پەنەوازەن ژەنی جە عومرو ١٩ ساڵېنە گرڎ ڕوۍ زېاڎ جە ٨ مېلېگرامۍ زېنک بوۋەرا ،

بە پاو ماڵپەڕو پزېشکی " healthline " چن وارڎێۋە ھەنۍ کە دۊڵەمەنڎێنۍ بە زېنک ، متاوا زېنک پۍ لاشەی دەسەبەرکەرا .

گۊشتی سور سەرچەمێۋە عالو زېنکېن پا مەعنۍ ١٠٠ غرامۍ جە گۆشت و گاۋۍ بە نزېکەېې

٤.٧٩ مېلېگرامۍ زېنک-ش چنەن، ھەرپاسە گۊشتې سور سەرچەمێۋە دۊڵەمەنڎا بە ماڎەو ئاسنی و ڤېتامېن بی و کرېاتېنی کە پۍ لاشەی فرە ئېسفاڎەشا ھەن .

چەرەسات پێسە " وەزۍ ، وامی ، کاجو ، سنۊبەر" وارڎێوە دۊڵەمەنڎێنۍ بە زېنک ، ھەرپاسە چەربی و ڤېتامېن و کانزاکۍ تەرێچ ئېسفاڎەشا ھەن ، بە پاو ماڵپەڕو تەندروستې " باېۊمێد سێبتراڵ " ی ۋەزې ئەگەرو توشبېەی بە چن نەۋەشېۍ درێژ مەودۍ کەم کەرۊۋە پێسە نەۋەشی چێر پەنجەی و دڵی .

ھێڵەېچ مېقدارۍ خاس زېنکش چنەن چنی چن ڤېتامېن و کانزێوە تەری ، بە نمونە " ڤېتامېن بی و سېلنېۊم " ھەر پاسە ھێڵێۋە ساق سەرچەمێوە گرنگو کۊلېنېا  ، کە ماڎێۋە خۊراکېن فرەو خەڵکی بەشێوە تەمامشا پنە مەېاوۊ، ڕۊنامەو کۊلێژی ئەمرېکی پۍ وارڎەی ئې زانېارېەشە ۋەڵا کەرڎەنۊ .

وارڎەو ١٠٠ غراما جە شوکلاتەی تۊخمی ٣.٣١ مېلېگرامۍ زېنکش چنەن ، ۋەلێم زاناکۍ بوارو وارڎەی مۊچېاریما کەرا کە زېاڎە ڕەوی جە وارڎەېشەنە نەکرېۊ ، بە مەڵامەتو دۊڵەمەنېش بە کالۊری و قەنی .

گۊشە ماساوی سەرچەمێوە تەندروستا پۍ زېنک-یو کالۊری کەمش چنەن ، (٦) گۊشە ماساوی ٣٣ مېلېگرامۍ زېنکش چنەن . دکتۊرۍ پسپۊڕۍ دووەگېانی مۊچېارېما کەرا کە گۊشە ماساوې ۋەڵۍ وارڎەېشەنە بە عالی گرېا ، ۋەرو ئانەی ئەگەرو زەھراوی بېەې کەمکەرۊوە .

ھ.ئ