زینانیێوەتەر ورمێنە جە قەنارەدریا
ئاشکرابی کە حەفتەی ۋییەرڎە جە زینانو ورمێنە زینانیێوە تەر جە قەنارەدریان، هامکات ئانەیچ وزیان ڕووە، کە جە سەرەتاو ئێساڵیوە زیاڎ جە ٥٨٠ کەسا جە ئێرانەنە دریێنۍ قەنارە.
تۆرەو مافەکا مرۆڤو کورڎەسانی وەڵاش کەرڎۆ، ڕۆو یەرە شەممەی ۋییەرڎەی ١٥و ئۆکتۆبەری هامکات چنی جە قەناردەای ناسر محەمەدیی جە زینانو ورمێنە، ئەمیر سلێمانیچ جە هەمان زینانەنە دریان قەنارە.
ئەمیر سلێمانی تەمەن ٣٠ ساڵ، ماوەو دووۍ ساڵا بۍ بە تۆمەتو کوشتەی ئەنقەسی زینانەنە بۍ.
ئا دووە باڵبەسکریۍ، رۆو دووەشەممەی ١٤و ئۆکتۆبەری فاڕیێبێنێوە پەی ژووری تاکەکەسی.
جە لێوەتەرۆ بە پاو هەواڵێوە رێکوزیاو مافەکا مرۆڤو ئێرانی ئارۆ لاوکەمیۆ دووۍ زینانیۍ جە زینانەکا کەهنوج و تەورێزینە جە قەنارەدریێنۍ.
پېسە ئانەی کە ئا ناوەندە وەڵاش کەرڎەنۆ، جە سەرەتاو ئێساڵیوە لاوکەمیۆ ٥٨٠ کەسۍ جە ئێرانەنە دریێنۍ قەنارە، ٢٠ ژەنۍ و نەوجەوانۍ وارو ١٨ ساڵی ئینۍ دلۍ جە قەنارەدریایانە.
دماو دەسپنەکەردەو سەرهۆردای ژەنی، ژیۋای، ئازادی رێژەو جابەجێکەردەی سزاو جە قەنارەدای جە ئێرانەنە بە شێوێوە ۋەرچەم بەرزبیەنۆ و چالاکا و ۋەرهەڵسکارا ئەجۆشانە، چی ڕێوە دەسەڵات هەوڵ مڎۆ گەلی سەرهۆردەری چەمتەرسۍ بکەرۆ.
