وەزیری داد یەڵماز تونچ دەربارەی مەڕاسیمی ئەو گەریلایانەی کە چەکەکانیان لەناوبرد ڕاگەیاندراوێکی بڵاو کردوە و ئاماژەی بەوەدا ئەمڕۆ بۆ تورکیا ڕۆژێکی مێژووییە و هەروەها لەناوبردنی چەکەکانی پەکەکە بۆ پڕۆسەکە ڕۆژێکی مێژووییە.

'لە مێژووی ئێمەدا ئەم ڕۆژە لە بیرناکرێت'

تونچ گوتی: "بێگومان بەشدارییەک هەیە کە کۆمیسیۆن بیکات. لەم کۆمیسیۆنەدا هەموو پارتە سیاسییەکان، شڕۆڤە و ڕای خۆیان لەسەر پرۆسەکە دەردەبڕن. بێگومان بەشداری باش و ڕەخنەش دەبێت. بە تایبەتی ئەم پڕۆسەیە بۆ گەلەکەمان ئەرێنی دەبێت و ئەوانەی پشتگرییان کردوە لە کۆتاییدا ڕێزیان لێ دەگیرێت."

'دەبێت زۆر ئاگاداربن'

تونچ لە کۆتایی قسەکانییدا گوتی: "لە پڕۆسەی داهاتوودا دەکرێت هەندێک هێزی شەڕخواز کە نایانەوێت تورکیا هەم لە ناوخۆ هەم لە دەرەوە پێشبکەوێت، سەرهەڵبدەن بۆ تێکدانی ئەم پڕۆسەیە هەوڵبدەن. لەبەر ئەمەش ​​دەبێت زۆر ئاگادار بن."