فڕۆكه‌جه‌نگییه‌كانی توركیا بۆردومانی سنووری ئامێدی ده‌كه‌ن
فڕۆكه جه‌نگییه‌كانی سوپای توركیای داگیركه‌ر جارێكی دیكه بۆردومانی سنووری شاری ئامێدی-یان كرد له باشووری كوردستان.
به گوێره‌ی زانیارییه‌كان، فڕۆكه‌جه‌نگییه‌كانی سوپای توركیای داگیركه‌ر كاتژمێر ١٦ بۆردومانی گوندی سه‌رگه‌لیی سه‌ر به شاری ئامێدییان كردووه له سنووری پارێزگه‌ی دهۆك. ئه‌و شوێنانه‌ی بۆردومان كراون، ناوچه‌ی سیڤیلنشینن و هێشتا نازانرێت ئه‌و هێرشه ئاسمانییه زیانی چی هه‌بووه.
فڕۆكه جه‌نگییه‌كانی سوپای توركیای داگیركه‌ر ڕۆژانه ناوچه سیڤیلنشینه‌كانی باشووری كوردستان و هه‌رێمه‌كانی ژێر كۆنتڕۆڵی گه‌ریلا بۆردومان ده‌كه‌ن.
s.m
