واڵ ستریت جۆرناڵ: بەپاو ئیسرائیلی جە چن ڕۊی ئایندەنە جەنگەکە دمایش مې
بەپاو هەواڵێوە ڕۆنامەو وۆڵ ستریت جۆرناڵی (WSJ)، ئیدارەو ئیسرائیلی ئامانجش ئانەنە جە چن ڕۊی ئایندەنە ئۆپەراسیۆنە سەروازییەکەیش جە دژو ئێرانی دمایی پنە بارۆ.
بە پاو هەواڵەکەی، ئی پلانێ دما و هرووژمەکا ئەمریکای پەی سەر و ئەرەمەزییە ئەتۆمییەکا ئێرانی زیاتەر ئاشکرا بی.
جە وەراوەر و چن یاگێوە سەروازینە کە جە لیستو ئامانجەکا ئیسرائیلینە بێ، هرووژم ئەنجامدریا، بەڵام دۆخو جەنگی بە کاروەدایەکا ئێرانی بەر گنۆنە. ئەمریکا بە هامپەیمانە عەرەبەکاش ئەرەیاونان کە ئیسرائیل گەرەکشا دمای بە جەنگی بارۆنە و ئی ڕێککەوتەیە یاونۆنە ئێران.
بەڵام ئێران ئەرەیاونانش، تاوەکو جواب و هرووژمەکا ئەمریکای پەی سەر و ئەرەمەزیا ئەتۆمییەکا جە شارەکا فۆردۆ، ناتناز و ئەسفەهان نەرۆوە، دمای بە جەنگی نمارۆنە.
سەرچەمە ئیسرائیلییەکێ ئاماژەشا پانەی دان کە دما و هرووژمەکا ئەمریکای ئەرەمەزییە ئەتۆمییەکا ئێرانی زەرەرێ فرەش وەر کەوتەن هیواڏارێنمێ ئێران دەس بە ئەرەنیشتەی بکەرۆ و دمای بە بەرنامەو پیتاندنو یۆرانیۆمی بارۆنە.
هەرپاسە ئیسرائیل ئاماژەش پانەیش دا کە ئامادەن هرووژمی ئاسمانی تازە بکەرۆ سەر و ئێرانی ئەر دەس بکەرۆوە بە بنیادنیا و چێرخانی ئەتۆمی. سەرچەمێوە ئیسرائیلی ئەرەیاوناش، ئەر ئێران هرووژم بکەرۆ سەر و ئیسرائیلی، ئانە ئۆپەراسیۆنە سەروازییەکا دەسپنە مکەرۆوە و واتش: "ئەر هرووژم بکەردێ، هرووژم مکەرمێ."
