بۆ گوڵیزار یەڵدز کە لەلایەن ڕەمزی کایائاڵپەوە کوژرا، لەلایەن بنەماڵەکەیەوە لە گەڕەکی ش. هارون بۆی پرسە دانرا.

تەڤگەری ژنانی ئازاد (تەژەئا) و پارتی هەرێمە دیموکراتیکەکان (دەبەپە) و پارتی یەکسانی و دیموکراسیی گەلان (دەم پارتی) و هاوسەرۆکانی شارەوانی سلۆپی سەردانی پرسەکەیان کرد.

لەسەر ناوی تەژەئا عەدالەت چیمەن فیدان قسەی کرد و ڕایگەیاند پرسە دەگۆڕن بۆ تێکۆشان، گوتی: "بەڵێن دەدەین تێکۆشانی پێویست بکەین تاوەکو بکوژ بەتوندترین شێوە سزا بدرێت".

عەدالەت داوای لە ژنان کرد بەشداربن لە ڕێپێوانی ڕۆژی چوارشەممە کە دژی پیاوسالاری ئەنجام دەدرێت.