جەنگو بەینو ئیسرائیل و ئێرانی جە ١١ـەهەمین ڕۊشەنە بەردەواما. ئیسرائیل کاتز، وەزیرو وەرگری ئیسرائیلی ئەرەیاۋناش، سوپاو ئیسرائیلی بە "هێزێوە بێ وێنۆ" هرووژمش کەرڎ سەرو ئامانجەکا ڕژێمی جە مېیانو تارانینە. کاتز ئەرەیاۋناش کە هرووژمەکې بە ئەمرەو نەتانیاهۆی سەرۆکوەزیرانی وێش ئەنجامدریێنۍ.

بارەگاکې بەسیجی و سوپاو پاسدارا کریێنۍ ئامانج

جە بەیاننامەکەنە وەڵا کریانۆ ئامانجەکې پی جۊرە ئەرەیاۋېیێنې:

-بارەگاو بەسیجی

-زینانو ئەوینی (یاگۍ زینانیا سیاسی و نەیارا ڕژیم)ی

"سەعاتەو کاولکەردەی ئیسرائیلی" جە مېڎانو فەڵەستینینە

بارەگاو ئاسایشو دلېینەو سوپاو پاسدارا

بارەگاو ئایدۆلۆژی ڕژێمی

بارەگاکې تەرو ڕژێمی مکریا ئامانج."

کاتز هەرپاسە ئەرەیاۋناش: "دیکتاتۆرو ئێرانی مەشۊم باجو تاوانەو هەر هرووژمېوە پەی سەرو ئیسرائیلی بڎۊوە، تا یاوای بە ئامانجەکا ئۆپەراسیۆنەکې بەردەوامې با."

هرووژمی ئاسمانی پەی سەرو شارو کەرەجی

هەرپاسە سوپاو ئیسرائیلی جە سەرنیشتوو ئێرانی هرووژمېوە ئاسمانیش پەی سەرو شارو کەرەجی ئەنجامدا. سەرچەمە دلېینەییەکې باسشا جە چن ئەوەتەقایې بەهێزی جە ناوچەکەنە کەرد.

بڕیەو کارەبې جە تارانەنە

بە پاو ئەرەیاۋنا دلېینەییەکا، هرووژم کریان سەرو وێستگەو کارەباو تارانی و پا مەڵامەتۆ کارەبا جە شارەکەنە بڕیێنە. بەپاو ئاژانسوو هەواڵوو فارسی، زەرەر بە هێڵەکاو فاڕایۆ کارەبې یاوان.