مەسەدە پېوەس بە کۆمکوژییەکەی ئەرەیاۋنێوە نویسیاش وەڵا کەرڎۆ و واتش: "پاشێلکەردەی پیرۆزی شۊنەماکا پەرسشی و دەسدرێژیکەردەی سەرو ژیۋای مەدەنییەکا تاوانێوەنە جە دژو گرڎو بەها ئەخلاقییەکا و پەیماننامە مېیاننەتەوەییەکا."

مەسەدە جە ئەرەیاۋناکەیشەنە ئاماژەش پانەیە کەرڎ ئامانجو ئی هرووژمەیە وەڵاکەردەیۆ تەرسێن جە ما بەینو پێکئامایەکا سوریاینە.

مەسەدە ئی هەرمانە قیزەونە تیرۆرستیەشە  شەرمەزار کەرد و واتش: "ئاشتەوایی نیشتمانی و هامکاری حەقەتینە جە ما بەینو گرڎو هێزەکا سووریاینە متاوۆ بۆ بە بناغەو بنیاڎنیای سووریایۍ سلامەتی و سەقامگیری."

جە دما دمایی ئەرەیاۋناکەینە مەسەدە هامخەمی ۋێش پەی کەسوکارو گەشمەرڎا بەربڕی و هیواو خاسبیەیۆی دەمودەسیش پەی زامڎارەکا واست.