بە مەراسیمێکی جەماوەری تەرمی نوسەر، شاعیر، لێکۆڵەر و سیاسەتمەداری کورد ئیبراهیم سونگور لە وانی زێدی خۆی بە خاکسپێردرا.

بەرەبەیانی ئەمڕۆ تەرمی سونگور لە ئانتاڵیاوە گەیاندرایە شاری وان و دواتر بە کاروانێکی جەماوەری بەرەو گۆڕەستانی ئاککۆپروی بردرا.

لە مەراسیمەکەدا وێڕای ئامادەبوونی نوێنەرانی پارتە سیاسی و ڕێکخراوە کۆمەڵایەتییەکان، ژمارەیەکی زۆری خەڵک و هاوڕێیانی بەشداربوون.

دوای گەیشتنیان بە گوندی ئاککۆپروی، بە شێوەیەکی شایستە ماڵئاوای لە تەرمی ئیبراهیم سونگور کرا و لە گۆرستانی گوندی ئاککۆپروی سپاردەی خاک کرا.