دەیان خەڵکی حەسەکە و ئەندامانی ڕێکخراوە مەدەنییەکان بەشداربوون لە بەخاکسپاردنی تەرمی شەڕڤانی قەسەدە شەهید محەمەد حاجی سەعید کە ٣٠ ی ئایار لەسەر ئەرکەکەی شەهید بوو.

لە مەراسیمەکەدا، ئەندامی مەجلیسی بنەماڵەی شەهیدانی حەسەکە، مستەفا عوسمان سەرەخۆشی لە بنەماڵەی شەهید کرد و گوتی: "شەهید دڵی ئێمە و وڵات لە دڕندایەتی دوژمن دەپارێزێت. ئەگەر فیداکاری شەهیدان نەبوایە. نەماندەتوانی بە سەلامەتی بژین".

لەسەر ناوی مەجلیسی کانتۆنی جەزیرە خالد عیسا ڕایگەیاند شەهیدان لەپێناو پرۆژەی نەتەوەی دیموکراتیک و خوشک و برایەتی گەلان گیانیان بەخشی، بەڵێنی دووپاتکردەوە بە درێژەدان بە ڕێگەی شەهیدان.

پاشان ناسنامەی شەهید خوێنرایەوە و ڕادەستی بنەماڵەکەی کرا.