جەژنی جەمای هاجالی لە رۆژی دووەمدا پیرۆز دەکرێت. لە رۆژی یەکەمدا ژمارەیەکى زۆری خەڵک سەردانی مەزارگەى هاجالیان کرد و خێریان کرد و شاییان گێڕا. پیرۆزبایی جەژنەکە ئەمڕۆش بە بەڕێوەبردنی رێوڕەسمە ئایینییەکان بەردەوامبوو.

مجێوری قوبەی پیر هەجی لەبارەى رێوڕەسمەکانی جەماوە وتی "کۆمەڵگەى ئێزدی زۆر خێر دەکەن و خێرەکانیان دەهێنن بۆ بەردەم قوبەی هاجالی. ئێمەش خزمەت بە گەلەکەى خۆمان دەکەین. هەموو کەس دەیەوێت خێرێک بکات و لە بەردەم قوبەکەدا دابەشی بکات. کچان و کوڕان پێکەوە هەڵپەڕکێ و گۆڤەند دەگێڕن".

خەزاڵ ئێزدین یەکێک لە بەشداربووەکانی جەژنی جەمای هاجالی بوو و باسی لە دڵخۆشیی خۆی کرد و وتی، بۆ ئەوان زۆر گرنگە کە لەسەر خاکی خۆیان و لەگەڵ دۆستان و هەڤاڵەکانی خۆیاندا جەژنی جەما پیرۆز بکەن.

خێرۆ خەڵەف جەژنی جەمای لە هەموو ئێزدییەکان پیرۆز کرد و وتی "گەرچی مانگی ئاب بۆ ئێمە رۆژانی سەخت و رەشیشی تیادایە،  بەڵام دیسانەوە ئێمە خاوەنی ئیرادە و ورەین و مانا بە هەموو رۆژەکانی خۆمان دەبەخشین".

ژ.ت