ئەمینە شەنیاشارە کە هامژینەکەش و ٢ کوڕێش جە ١٤و حوزەیرانوو ٢٠١٨ ی جە مەنتیقەو پیرسوسی ڕحاینە جە لایەنوو پاسەوانا و قۆما پەرلەمانتاری وەڵینو ئاکەپەی ئیبراهیم خەلیل یەڵدزیۆ کوشیێ، چنی کوڕەکەیش، پەرلەمانتارو پارتوو یەکسانی و دیموکراسی گەلا (دەم پارتی) فەرید شەنیشار ٩٣ ڕووێن وەروو دەموو وەزارەتوو دادینە درێژە بە ئێشکگیری دادپەروەری مڎا .

ئەمینە شەنیشارە جە چالاکییەکەنە داواو ئازادکەردەی فازڵ شەنیاشاری کوڕیش کەرد.

دەم پارتی و کۆنفیدراسیۆنوو سەندیکاو کرێکارا جەماوەری (کەسک)ی و مەجلیسو ژەنا ئەگیتەم سەنی، کۆڵەکتیڤی دیموکراسیی سۆسیالیستی و پارتوو ئازادیی گلێرگەیی (تۆپ)ی سەردای ئەمینە شەنیاشارێشا کەرد.

ئەمینە شەنیاشارە ئەرەیاوناش بکوژاو کوڕەکەیم ئازادانە گێڵا و داواش کەردە کوڕەکەیش ئازاد بکەرا.

فەرید شەنیاشار ئەرەیاوناش ٦ ساڵێن ئەڎاش پی ئاژۆ داواو دادپەروەری مکەرۆ.

واتەواچوو تۆپی، پەلین کاهیلۆگولاری واتش: " دادپەروەری پەی شەنیاشارەکا و هیچ شۆنێوە وڵاتەکەی نامان. پێویسا ئەرەکۆشاو ئەڎا ئەمینەی گەورەتەر کریۆ و بۆنە بە دەنگی هامبەش".

ئەندامو لوجنەو هەماهەنگی کۆڵەکتیڤی دیموکراسیی سۆسیالیستی دەنیز جان ئایدن ئەرەیاوناش بنەیانەو شەنیاشارێ نموونێوە گرنگێنێ پەی ئەرەکۆشای دادپەروەری.

دماتەر بنەیانەکە لووێ دلێ پەرلەمانی.