جەنگاوەرا ماکی ئەرەیاوناشا، جە مەنتیقەو گەڤەرو جۆلەمێرگینە جە دژو کارەوانێوە پۆلیسی چالاکی سابۆتاژیشا ئەنجامدا جە ئەنجامو چالاکییەکەینە چڼین پۆلیسێ کوشیێنێ و چڼینیچ زامڎارۍ بیێنێ.
جەنگاوەرا ئازادی کوردەسانی (ماک) ئەرەیاوناشا، جە گەڤەرەنە وەرا وەر بە کارەوانێ پۆلیسو تورکی چالاکی سابۆتاژشا ئەنجامدان
جە ئەرەیاوناکەو ماکینە ئاماژە پانەیە دریان جە ٢٤و نۆوەمبەرینە سەعات ٢٣:٣٠ دەیەقێ جە گەڕەکەو ئەسکی کشلای بە شێوازو سابۆتاژی سەرو ڕێوە بە ترۆمبێلێ زریپۆشی جۆرو ئۆراڵیرە تەقانۆ.
هەر جە ئەرەیاوناکەینە دەسنیشان کریان ترۆمپێلە زریپۆشەکە بە تەمامی دلېنە بریان و جە ئەنجامەنە چڼین پۆلیسێ سەرنشینێ کوشیێنێ و ژمارێشا چنە زامڎارێ بیێنێ. هەر جە ئەرەیاوناکەینە ئانە وزیان ڕووە جە دماو چالاکیەکەی تەرمو پۆلیسەکا بە ئەمبۆڵانس فاڕیانۆ.
ماک ئانەیچش وست ڕووە چالاکییەکە پەی موبارەک کەردەو ٤٦ەمین ساڵڕۆو ئەرەمەرزیارەو پەکەکەی ئەنجامدریان.
