ناسنامەی شەهیدانی خواکورک ئاشکرا کرا
هەپەگە رایەگیاند، کە لە خواکورک ٣ گەریلا شەهیدبوون و ئەوەی خستەڕوو، "جارێکی دیکە بەڵێن دەدەین لە کوردستانی ئازاد کە ئاواتی شەهیدانمان بوو، خاوەنداری لە یاد و بیرەوەری ئەوان بکەین".
راگەیەندراوەکەی ناوەندی راگەیاندن و چاپەمەنی هەپەگە بەم جۆرەیە:
"لە هێرشە داگیرکەرییەکانی دەوڵەتی تورکدا بۆ سەر هەرێمی خواکورک، لە ٤ی ئابدا هاوڕێیانمان ئاسرین و خویندا، لە ٢٤ی ئابی ٢٠٢٤یشدا هاوڕێمان رۆستەم شەهیدبوون.
هاوڕێیانمان ئاسرین و خویندا کە لە دژی دواکەوتوویی کۆمەڵگەی پیاوسالار و ئەو کردەوە کۆیلایەتیانەی بەسەر ژناندا دەسەپێندرێن، ئایدۆلۆژیای رزگاری ژنیان وەک تاکە رێگەی رزگاری بینی، بە جۆش و خرۆشی زۆرەوە بەرەو ریزەکانی ئازادی هەنگاویان نا. هاوڕێیانمان ئاسرین و خویندا هیوای ئازادی کە شەهیدانی پێشەنگی ئاپۆییمان بە قوربانیدانی زۆر ئافراندیان، لە ئامێز گرت و ئەو هیوایەیان گەورەتر کرد و ویستیان خۆیان بگەیەننە هەموو ژنانی بندەست و بە تێکۆشانی گیانبازانەی خۆیان گەیشتنە ئەو ئامانجە. هاورێیانمان ئاسرین و خویندا بوونە جەنگاوەرانی گیانبازی فەلسەفەی 'ژن، ژیان، ئازادی' کە ئەمرۆ لە هەموو شوێنێکی جیهان لەسەر زمانی ژنان دەوترێتەوە، بە دڵسۆزی خۆیان بۆ پێوانەکانی ئازادی جێگەی خۆیان لە دڵی گەلەکەمان و سەرجەم ژنانی خۆڕاگردا کردەوە.
رۆڵەی قارەمانی خەڵکی سەرحەد هاوڕێمان رۆستەم سەرەتا لە کوردستان دواتریش لە ئەوروپا بەشداری ناو ریزەکانی تێکۆشان بوو، بە دڵسۆزی و لەخۆبوردەیی گەورە ئەرکەکانی وڵاتپارێزی بە جێگەیاند. بڵام گەیشتە ئەو بڕوایەی کە شێوەی تێکۆشانەکەی بەس نییە، هەربۆیە رووی کردە چیاکانی کوردستان و وەک گەریلایەکی ئازادی بەشداری لە ناو تێکۆشاندا کرد. هاوڕێمان رۆستەم بە کەسایەتی راست و دروستی خۆی، بە دڵسۆزی بۆ رێبەر ئاپۆ و شەهیدانی قارەمانمان دەناسرا، لەناو ریزەکانی گەریلادا هەوڵیدا زیاتر بە تێکۆشانی خۆی شایەنی شەهیدان بێت.
وەک هاوڕێیانمان ئێمە سەرەخۆشی لە بنەماڵەی بەنرخی هاوڕێیانمان ئاسرین، خویندا و رۆستەم و سەرجەم گەلی وڵاتپارێزی کوردستان دەکەین و جارێکی دیکە بەڵێن دەدەین کە لە کوردستانی ئازاد کە تامەزرۆی بوون، یادی ئەوان بەرزرابگرین.
زانیاری لەسەر ناسنامەی هاوڕێی شەهیدەکانمان بەم جۆرەیە:
ناسناو: ئاسرین باوەر
ناو و پاشناو: سەڤدا تۆپچو
شوێنی لەدایکبوون: رحا
ناوی دایک- باوک: ئایهان- شێخموس
کات و شوێنی شەهیدبوون: ٤ی ئابی ٢٠٢٤/ خواکورک
ناسناو: خویندا چیا
ناو و پاشناو: نەجلا ئەحمەد سلێمان
شوێنی لەدایکبوون: دێرکا حەمکۆ
ناوی دایک- باوک: زەینەب - ئەحمەد
کات و شوێنی شەهیدبوون: ٤ی ئابی ٢٠٢٤/ خواکورک
ناسناو: رۆستەم سەرحەد
ناو و پاشناو: شاهین پەکور
شوێنی لەدایکبوون: ئیدر
ناوی دایک- باوک: گوڵچین- ساڵح
کات و شوێنی شەهیدبوون: ٢٤ی ئابی ٢٠٢٤/ خواکورک
