لە شاری مونستەری ئەڵمانیا لە دژی هێرشەکانی چەتەکانی دەوڵەتی تورکی داگیرکەر بۆ سەر باکور و رۆژهەڵاتی سوریا و لەپێناو پشتیوانی دەربڕین لە بەرخودانی گەلانی هەرێمەکە، رێپێوانێک سازکرا.

چالاکیەکە لەلایەن ئەنجومەنی گەلەوە سازکرا و بۆ یادکردنەوەی شەهیدان لە سەرەتای چالاکیەکەدا بەشداربووان یەک خولەک بە بێدەنگی وەستان.

بە دەیان کوردستان، ئەندامانی کۆمەڵەی پشتیوانی رۆژئاوا لە ئەڵمانیا و نوێنەرانی پارتی دی ئای ئی لە هەرێمەکە، بەشدارییان لە رێپێوانەکەدا کرد کە لە یەکێک لە قەرەباڵغترین شەقامەکانی شار ئەنجامدرا.

لە رێپێوانەکەدا سڵاو لە بەرخودانی گەلانی باکور و رۆژهەڵاتی سوریا لە دژی هێرشە داگیرکەرییەکانی چەتەکانی دەوڵەتی تورک کرا.