جە ئەرەیاۋنێوەنە تەڤگەرو گلېرگەی دیموکراتیکی (تەڤ-دەم)ی ئەرەیاۋناش جە هرووژمەکەو ٩و ئارگا(ئۆکتۆبەر)و دۆڵەتو تورکی ئەرەگیرینە پەی سەرو شەهبای ٣ ئەندامێشا گەشمەرڎۍ بیێنۍ

جە ئەرەیاۋناکەنە ئاماژە پانەی کریان کە فاشیزمو دۆڵەتو تورکی بە سەرمەشقی ئاکەپە-مەهەپەی جە دەرەنجامو شکسەکاشەنە ۋەرا ۋەر بە گەریلای گرڎ جۆرە هرووژمێوە فاشیستی مکەرۆ، وە بەتایبەت جە ۋەرا ۋەرو ژەنێنە ئی هرووژمێشە چڕتەرۍ کەردێنێوە و ئامان: "جە ٩و ئارگا(ئۆکتۆبەر)و ٢٠٢٤ینە بە گرڎو کینە و قینێوە ۋێشۆ هرووژم مکەرۆ سەرو کۆچبەرا عەفرینی، کە ئامانجش بەردەوامیداین بە قڕکەردەی گەلەکەیما. جە ئاکامو ئا هرووژمەینە ٣ چالاکێش گەشمەرڎۍ کەردۍ کە پەی ئەرەمەرزنای گلېرگەی دیموکراتیکی و یەکسانی سەرو بنەماو واڵە و برایی گەلا هەرمانە کەرێنۍ." ماچۆیچ، بەسەربەرزیۆ گەشمەرڎەبیەو هەر یەرە ئەندامەکەیما پیرۆز مکەرمۍ.

'هەمڕێما زلال عەفرین، مەزڵوم عەنتاب و ئالاف موردا بەشدارۍ کارۍ ئەرەکۊشایما بێنۍ '

جە درێژەو ئەرەیاۋناکەینە ئاماژە بە گرنگی دەورو هەریەرە گەشمەرڎا کریان و ئامان: " گەلی ئازادیوازما پێشوازی جە گەشمەرڎەبیەو ڕاو هەڤاڵاما زلال عەفرین، مەزڵوم عەنتاب و ئالاف موردی مکەرۆ کە بەشدارۍ کارۍ ئەرەکۊشایما بێنۍ. بێدەنگی ئەرەمەرزیاکا مافوو مرۆڤی و دۆڵەتا جە بارەو هرووژمەکا دۆڵەتو فاشیزمو تورکیوە شەرمەزار مکەرمۍ."

جە دمادمایی ئەرەیاۋنناکەینە تەڤ-دەم جەخت سەرو بەردەوامیدای بە ئەرەکۊشای مکەرۆوە و ماچۆ؛ "پېسە تەڤدەمی گەشمەرڎەبیەو هەڤاڵاما جە گەلەکەیما، ئازدیوازا و ژەنا ئازادی پیرۆز مکەرمۍ و قەولوو بەردەوامیدای ئەرەکۊشای ئازادی و دیموکراتیکی مڎەیمۍ. داوا جە گرڎ کەسۍ مکەرمۍ جە دژوو فاشیزمی مرداوە."