ئا چالاکییەی پەی ئازادیی جەسەیی ڕابەرو گەلوو کورڎی عەبدوڵا ئۆجالانی جە ٢٥ کانوونو دووەمو ٢٠٢١ یوە ۋەردەمو نەتەوە یۆگێرتەکانە جە ژنێڤو سویسراینە دەسش پنە کەردەن، بەردەواما. جە چوارچێوەو هەڵمەتەو "کاتو ئازادییا"، گرڎ چوارشەمێوە جە مېڎانوو نەیشنی کە ئۆفیسو نەتەوە یۆگێرتەکاش ئینا چنە، چالاکیی ئەرەنیشتەی ئەنجام مڎریۆ.

جە چالاکی ئی هەفتەینە دیسان سەرنج وزیا سەرو ئاژەو ڕابەرو گەلوو کوردی عەبدوڵا ئۆجالانی کە ٤٣ مانگێن زانیاری جە بارەشۆ نییا.

دماو دەیەقێوە ڕێزگێرتەی جە گەشمەرڎا ئازادیی کورڎەسانی، بە نامۍ کۆمیتەو چالاکییەکەیۆ ڕەمەزان کزلکورت دەربارەو گۆشەگیری سەرو ڕابەرو گەلوو کوری عەبدوڵا ئۆجالانی قسێش کەرڎە.

ڕەمەزان ئەرەیاۋناش جە ڕاو گۆشەگیری ئیمراڵییوە گەرەکشانە ئەرەگیری کورڎەسانی و قڕکەردەی گەلوو کوردی ئەنجام بڎا.

هەرپاسە ئاماژەش پانەیە کەرد کە، دژو ئەرەگیری و قڕکەردەی جە چوار پارچەو کورڎەسانی و بەتایبەت جە هەرێمەکاو پارېزنای مەدیاینە، ئەرەکۊشای گەریلای بەردەواما، واتش: "گەریلاکاو ئازادی کورڎەسانی دژو هرووژمەکا ئەرەگیری و قڕکەردەی جە زاپ و ئاڤاشین و مەتینا و چوار پارچەو کورڎەسانینە مڎرامانێ داستانی ئەنجام مڎا".

سڵامش جە مڎرامانوو گەریلای کەرد و ئەرەیاۋناش پېسە کورڎەسانیا ئەرەنیشتا ئەوروپای، تا بەدیئامای ئازادی ڕابەرو گەلوو کوردی عەبدوڵا ئۆجالانی و دماییئارڎەی بە هرووزمی ئەرەگیری و قڕکەردەی، جە مېڎانەکانە مەبانۍ.