هونەرمەڼ کوورش فەتحی ئەرەنیشتەو بۆکانو ۋەرکۊتوو کوردەسانی بە مەڵامەتوو بەشداربیەی جە مبارەکباییەکا مەراسیمو نەورۆزی جە لایەنو وەزارەتو ئیتلاعاتو ئێرانیوە دۆسییەی یاساییش سەر کریاوە.
هەڵمەتۊو چڕیەی هونەرمەڼا کوردی جە لایەنو وەزارەتو ئیتلاعاتو ئێرانیۆ بەردەواما و چا چوارچێوەیچەنە، هونەرمەڼێوە کوردو خەڵکو بۆکانی بەمەڵامەتوو بەشداری جە مەراسیمەکا نەورۆزینە چڕیەنشا پەی ئیتلاعاتو شارەکەی و دۆسییەی یاساییش پەی کریانۆ.
ڕێکوزیاو جەمەو مافەکا مرۆڤی سەبارەت بە چڕیەو هونەرمەڼێوە کوردی جە لایەنو وەزارەتو ئیتلاعاتو ئێرانیوە ئاماژەش پانەی دا: "هونەرمەڼێوە کورد بە نامۍ کوورش فەتحی خەڵکو بۆکانی جە لایەنو ئیدارەو ئیتلاعاتو ئا شارەیۆ چڕیا بە مەبەسوو ۋنەپەرسایۆ.
سەرچەمەکە ئاماژەش پانەیچ دان: "هونەرمەڼ کوورش فەتحی بەمەڵامەتوو بەشداریکەردەی جە مەراسیمو نەورۆزو دەگاو کانی سیاوی و واتەیۆ سروودێوە شۆڕشگێڵنی هەڕەشێش ۋنەکریێنۍ و دۆسییەی یاساییش پەی کریانۆ و ڕەوانەو دادگای کریان."
