بە پاو گێرتە ڤیدېۊېۍ، کە جە تۊڕەکۊمەڵاېەتییەکانە وەڵا کریانۊ، ڕۊو جومعەی جە میانەو نمایشێوە ماتۊڕانە، جە مەنتیقەو ھوانەو شاروو سلێمانی، دەېان جوانۍ  پێوەرە ھجووم کەرانۍ سەروو کناچێوە، کە ئاماڎۍ وېنای مەراسیمەکەی بۍ.

ئا جوانۍ بە شێوێوە دڕنڎانە مڎا کناچەکێ و ئێشش پەنە ېاونا، وەڵابییەېۊ گێرتە ڤیدېۊکەیچ کارداېۊ و ناڕەزایی فرەش چنە کەوتۆ.

*"ڕێواز فاېەق"ە سەرۊکەو پەڕلەمانووھەرێموو کورڎسانی، جە توېتێنە نویستەنش: ئا نێرۍ کە پێسە دڕنڎەی پەلامارەو کناچێوە مڎا، کە پێسە ھەر کەسێوې تەری حەزش بە تەماشەکەرڎەی کێڵۍ ماتۊڕا بییەن، بەرھەموو ئا وتار و واچە بەربەرېیانە، کە فرەو ڕووا وەرانوەروو ژەنا و کناچا ئې ھەرێمییە بە پلانە و بە ڕێکوزېای ملۊ ڕاوە. دەسەڵات و گلێرگێوە ئی بەربەرېەتە نە چڵاکنۊشەرە مشۊ چەمەڕاو مەرڎەېۍ سەرێعی بۊ.

*"شاناز ئیبراھیم ئەحمەڎ"ەیچ ھجووموو سەروو کناچەکێش شەرمەسار کەرڎ جە مەنتیقەو ھوانەو شاروو سلێمانی، واتش پەلامارڎای ژەنا ېاگۍ قبووڵکەرڎەی نیا، مشۊ بکەرۍ ئا پەلامارداېە وەرەوڕوو ېاسێ کرېاوە، ئەنجامدای تاوانێوە چی جۊرەېە ئاماژێوە ئاشکران پۍ فراوانتەربییەی تنڎوتیژیی دژوو ژەنا، داواکارەنا دەزگا ئەمنییەکۍ بەزووی کۆڵیایۆ جە بکەراو ئا ھجوومە وەحشییانەېە کەرا، پۍ ئانەی بە سزاو وێشا بیاوا.

*"نوخشەناسیح"یچ قائیمقامەو شاروو ھەڵەبجەی؛ پەلامارڎاکەیش بە قێزەوەنتەرین هەرمانە وەسف کەرڎە، کە وەرانوەروو مرۊڤینە کریێبۊ، داواش کەرڎە جە زووتەرین وەختەنە بکەرەکێش گیرېا و بە سزاو وێشا بیاوا.

*ھاموەخت ېاساشناس "لەتیف شێخ مستەفا" بە ھەمان شێوە جە ڕاو نویستێوە جە تۊڕەو کۊمەڵاېەتیی فەیسبووکینە، پەلامارڎاکەیش بە کارێوە ناېاسایی و ناشەرعی ئشناسا و واتش جە ڕووە ېاساېیەکێوە تاوانێوە چی جۊرە پەنەوازش بە سکاڵاکەرڎەی نیا وئینە تاوانێوە گرڎینێنە، بکەرۍ کارەکەی تەنیا دەسدرێژیشا نەکەرڎەن سەروو ئا ژەنە گەنجۍ، بەڵکم دەسدرێژییشا کەرڎەن سەروو ئەمنیەتی گرڎینەو گلێرگەی. پەنەوازا پۊلیس و دەزگا ئەمنییەکۍ وردێ باوە جە گرڎوو تاوانکارا کە تاوانەکێشا کەرڎێنە.

*سەبارەت بە ڕووەداکەی "عەمید ئاسۊ شێخ تەھا" ڕاوەبەروو پۊلیسوو پارێزگاو سلێمانی جە واچێوەنە واتش؛ حۊت تۊمەتبارۍ

ھجوومەکەو گەڕەکەو ھوانەو شاروو سلێمانی، کە ھجوومشا کەرڎەبۍ سەروو کناچێوە گیریێنۍ. وردبییەېۊ جە ڕووەداکەی وەرڎەوامیش ھەن.

ھ.ئ