کۆن_مەد بە ئەریاونایوە نویسیا واتش: "بە جۆشوخرۆشێوی مەزنۆ جە ٣٢ ەمین فیستیڤاڵی میاننەتەوەیی کولتووری کوردی نزیکێ بیمێوە، کە ٢١و ئەیلولوو ٢٠٢٤ فرانکفۆرتەنە مکریۆ".

ئاماژە پانەیە کریان کە دژوو سیاسەتەکاو قڕکەردەی دەوڵەتوو تورکی پەیامی قەوەت مدریۆ، ڤیستیڤاڵەکە هاموەختا چەنی،زیادبییەی هجوومو ڕژێمو ئەردوگانی پەی سەروو کولتووری و هورپڕای و مۆسیقای کوردی،ماچۆ:" ڕژێموو ئەردۆگانی پەی تەمامکەردەی قڕکەردەی کوردی، تەبنیا بە درۆن و فڕۆکە و سۆچنای دارسانی و زیندانی و هجوومیوە نمەمدرۆ،هجوومیچ مکەرۆ سەروو بەها نەتەوەییەکا و زوانی و مۆسیقای و هورپڕای و شناسنامەیما کە هەزارا ساڵێن مپاریزنمێش".

ئینجا کۆن-مەد تیشکە موزۆنە سەروو گۆشەگیریی سەروو ڕابەروو گەلوو کوردی ئۆجالانی و ئەرەمیاونۆش، دەوڵەتوو تورکی ٤٢ مانگێن یاسا میاننەتەوەیی و دلێینییەکا پاشێل مکەرۆ.

 ئاماژەیچ کریان بە هجوومە ئەرەگیرکارییەکا و ماچۆیچ: "بێجگە جە بەرنامەی وەرفراوانی کولتووری پەی ٧ تا ٧٠ ساڵا، سیاسەتمەداراو وەڵاتێ جیاوازێنە و کوردسانیچەنە بەشداریی ڤیستیڤاڵەکەی مکەرا و دژوو سیاسەتوو قڕکەردەی و ئەرەگیری وگۆشەگیری پەیاموو وێشا مکیانا. ڤیستیڤاڵەکەنە خێمێ پەی زارۆڵا ورمدریۆ و بەرنامەتی تایبەتشا پەی مکریۆ. خێمێ تایبەت بە مۆدێلوو دەگێ کوردیێ و منریۆرە و تەلارسازیی کوردی نمایش مکریۆ".

پاسی تایبەت بە فاڕایوە بەشدارا هەن، یاگێ مدرای پاسەکا شارە جیاوازەکانە ئاشکرا کریان.