دماو ئانەی سزاو زینانی کەردەی سەرو هامسەرۆکو شارەوانی وانی عەبدوڵا زەیدانی سەپیا، وەزارەتو دلینەو دۆڵەتو تورکی، بۆزان بالجی پیسەو قەیومی سەرو شارەوانی وانیرە سەپیا. پەی جاری یەرەمی قەیوم لەسەرسەرو شارەوانی وانیرە سەپینریا. ئا پارێزنەرێ و قەیومێ تا ئیسە نریێنێرە قەرزێوە گۆرەشا جە دماو وێشا جیا ئاستەن  و هەرمانەکێشا خاس نەکەردێنێ، پی جۆرە باس کریانە.

 ….

هامسەرۆکو گرڏی پارتو یەکسانی و دیمورکراسی گەلا (دەم پارتی) تونجەر باقرخان سەرو سەپناو قەیومەکا پەی ئاژانسو هەواڵو فوراتی (ANF) قسێش  کەردێ و واتش: "تورکیا وڵاتێوە پی جۆرەن، ڕۆژەڤو وڵاتی گفتوگۆکەردەی کێشێوەن کە سەد ساڵێن بەردەواما، نزیکەو ٤٠ ساڵا مەڵامەتوو خراپبییە و وڕای ئابووری و وزەو ئی وڵاتەینە. ئینە یوەمجارا پەی چارەسەرو پرسو کوردی دەرفەتێوە تاریخیش هەن. ئێژا ئۆجالان هەوڵمڏۆ ڕێوە تاریخییە خوڵقنۆنە. جە پرۆسێوە چی جۆرە کە زیاتەر پەیوەندیدارا بە دەسەڵاتداریی، مشۆم زیاتەر جە گرڏ کەسێ بۆ بە لایەن و باسو ئاشتی بکەرۆ. کەچی قەیومی سەپنۆنە سەرو شارەوانی و ئیرادەو گەلەکەیما.

باقرخان جە دەس پنەکەردەو قسەکاشەنە واتش: "هەرمانەو کارەکا دەسەڵاتداری هەڵای ڕاو گرڏی تورکیای خاس چنەش نەیاوێنێنە. بە ڕاسی ئاشتیی گلێرگەیتا گەرەکا؟ گەرەکتا نییا؟ قورسا یاواینە. با مرۆڤ سەرنج وسۆنە سەرو هەنگامەی دەسەڵاتداری، وینۆنە کە ئەقڵیەتو نکۆڵیکەردەی بەردەواما. ئی ئەقڵێەتە تورکیاش بەرەو کەنداڵ بەردەن، هەم جە دلینە و هەم چبەرو تورکیای دلێنە بەردەن و دلێشەنە بەرۆ".

'گەلوو کوردی ئەقڵیەتو شمە قبوڵ نمەکەرۆ'

جە بەردەوامیینە باقرخان سەرنجش وست سەرو دیدارەکا ڕابەر ئاپۆی و واتش: "ئیسە جە جەهانەنە چنین وڵاتێ هەنێ کە گەرەکشانە پرسو کوردی بە شێوێ دیموکراتیک چارەسەر کریۆنە، کورد جە تورکیانە بۆ بە خاوەنو مافو دیموکراتیکی و سەرنیشتوو و وەرکەوتوو سووریاچ خاوەن ستاتۆیۆ بۆمپنە. جاری یوەما کە ڕاو گرڏی نەتەوەیی و مییاننەتەوەیی گەرەکشانە ئی پرسەیە بە ڕاو دیموکراتیکی چارەسەر کریۆنە. یوەم جارا ڕاو گرڏی تورکیای سەرنج  وسۆنە سەرو بانگەوازەکەو ئێژا ئۆجالانی، هیوا دەسش  پنەکەردەن، بەڵام ڕووبەڕووو ئەقڵێتێوە چانەی بیێنمێ کە گەرەکشا ئینەیە تێک دۆنە، ڕاگیری جە ئاشتیی گلێرگری گێرۆنە. ئی ئەقڵیەتە ئینا ڕێوە حەڵەتەنە."

'داواما جە دەسەڵاتی ئانەن عەقڵیەتو وێش فاڕۆنە'
جە بەردەومیینە واتش: "داوا جە دەسەڵاتداری مکەرمێ کە بە ئەقڵێوە ساغ، بە مرۆڤانە و ویژدانۆ هەڵوێس هورگێرۆنە. مشۆم کە ئیرادەو گەلی یەرێ جارێ دزیۆنە، دەسش سەرەرە گیریۆنە؟ تۆ یەرێ جارێ شکستت ئارڏ. ئاکاتە مرۆڤ نزیکایەتی شمە پەی پرسو کوردی قەبوڵ نمکەرۆ

ئێژا ئۆجالان بە جۆرێ جە دڵۆ، بە نێتێوە خاسۆ، بە هەستێوە شۆڕشگێڵنانۆ گەرەکشا زەمینەو چەکی و جەنگی سەروازی زەمینەی سیاسی بۆنە. ئێژا ئۆجالان پەی ئینەی ئینا هەوڵدای و هەرمانێوە وەرفراوانەنە. بڕوا کەردێ جە ٤١ شارەنە گلێرۆبییەیما ئەنجامدان. جە هەر ناوچێوەرە کە پۆرەشەرە ویەردیبێمی هیوا و چەمەڕایێ فرە هەن. داواکێ ئێژا ئۆجالانی بە گرنگ وینمێنە. وەرو ئینەی داوا جە دەسەڵاتداری مکەرمێ کە گۆش جە گەل و گلێرگەی گێرۆنە، چنی ئی پڕۆسەیە بانە، پەشتگیری ئی پڕۆسەیە بکەرا، پەی ئانەی ئی دەرفەتە خاس هورسەنگیۆ دووژمنایەتی کوردا مەکەردێ ".

'خەڵکو وانی مڏرامانی گۆرە مکەرۆ'

جە دماین و قسەکاشەنە باقڕخان سەرنجش وست سەرو مڏرامانو گۆرەو گەلوو وانی و ئینەش وات: "با دەسەڵاتداری واز چی ئەقڵیەتەیە بارۆنە. پەنجا جارێ قەیومی جە وانەنە سەپنۆنە، بڕوا بکەردێ ئی گەلە شمە چا نمازۆنە، شمە هورمەچنۆ، حەجگیز پێسەو ئیرادەو وێش مەوینۆتا. حەر پۆکەی داوا جە دەسەڵاتداری مکەرمێ کە ئی دەرفەتێ ئێژا ئۆجالانی خاس هورسەنگنۆنە، ئی پرۆسە کە جەتورکیانە پەڕۆوە پەی زەمینەو دیموکراتیکی، جە ڕاو دیالۆگی و ئەرەنیشتەی چارەسەرش بکارا. ڕێوە تەرە نییەنە. یان جە گێژاو و قەیرانی دلێ گرژی و جەنگی جە وەرکەوتوو مییامینی مژیومێ، یان ئاشتیی گلێرگەی بە دی مارمێنە و تورکیا بکەرمێ بە مۆدێلێوە دیموکراتیک جە وەرکەوتوو مییامینی. ئانەی کە قەرار مڏۆنە دەسەڵاتداری وێشا. گەلوس کوردی و دۆساشا چی بابەتەنە جدیێنێ."