ئەندام و ڕاوەبەرا دەم پارتی بەشداری ڕاپیمای بیێ
ئەندامێ و هامسەرۆکێ گرڏی دەم پارتی شان بە شانو جەماوەرو گەلی جە دژو کودەتاو قەیومی بەرەو پەڕلەمان ڕاپیمایشا ئەنجام دا.
شەرمەزارکەردەو قەیومی
هامسەرۆکا گرڏی پارتو یەکسانی و دیموکراسی گەلا (دەم پارتی) تولای حاتەم ئۆغوللارە و تونجەر باقرخان، هامسەرۆکو شارەوانییەکا دەم پارتی، ئەنداما ئەنجومەنو شارەوانی، شان بە شانو سەڏان کەسا پەی شەرمەزارکەردەو دەس سەرەرە گێرتەو ئیرادەو گەلی، جە پارکو گوڤەنو ئەنقەرەیرە کۆنگرێوە ڕۆنامەوانیشا ئەنجامدا.
جە کۆنگرەکەنە جەخت سەرو ئەوەکۆشای کریاوەو تا دمای ئاردەی بە سیستەمو کودەتاو قەیومی.
جەماوەرو گەلی دماتەر جە پارکو گوڤەنی بە ڕاپیمای تا دەروازەو دیکمەنێو پەرلەمانی لوێ.
چالاکییەکە بە بەرزکەردەیۆ درووشمی دمایش ئاما.
