هامسەرۆکو گرڎیی دەم پارتی تونجەر باقرخان جە یاڎئاردەیۆ پیشەگەرا کوردینە کە ٣١ ساڵۍ چێوەڵی کوشیۍ قسێش کەردۍ و واتش: " لوایۊپۊرە بە ۋېیەردەو ئی وڵاتەیرە یۊن جە هەنگامە گرنگەکا ئاشتی."
جە کردەوێوە تنڕەوانێ و ڕەگەزپەرسانێنە ٣١ ساڵۍ چێوەڵی کرێکارا پیشگەرۍ کوردی ساڤاش بوڵدان، عەدنان یڵدرم و حاجی کارای تیرۆرۍ کریۍ، ئارۊ جە ٣١ ساڵەو تیرۆرکەردەیشانە جە قەبرسانو ئاڤجلاری ئەستەنبوڵینە یاڎۍ کریێوە. هەریۆ جە هامسەرۆکو گرڎیی دەم پارتی تونجەر باقرخان، ئەندامەو شاندو ئیمراڵیی دەم پارتی پەروین بوڵدانە و بنەیانەو ئا کەسا کوشیێنۍ بەشدارۍ یاڎ کەردەیۊکەی بیۍ.
جە یاڏ کەردەوەکەینە تونجەر باقرخان قسێش کەردێ و جە قسەکاشەنە بە سەرنج وستەی سەر و لاپەڕە تاریکەکا تاریخو تورکیای دەسش بە قسەکاش کەرد و واتش: "ئی وڵاتە لاپەری فرە تاریکیێ تاریخیێش هەنێ، پەنەواز کریۆنر ئی لاپەڕێ چەرمێ کریاوە و هیچی تەر کاریگەری جە ئایندەو ئی وڵاتەیە نەکەرۆ. بکوژێ دیارێنێ، کەسانێشا کوشتێ کە خاوەنداری جە مافەکا وێشا کەرێنێ. چی وڵاتەنە هەزاران پێسەو ساڤاش بوڵدان، عەدنان یڵدرم و حاجی کارای بەشێوێ شاراوە کوشیێنێ. جە کەسێتی ئی یەرە هەمڕایامانە گرڏ و ئانیشا پی جۆرە کوشیێنێ یاڏ مکەرمێوە. بێگومان تا هورگێرتەیۆ مافو ونەپەرسایۆ جە بکوژا جە ئەوەکۆشایما بەردەوامێ بیمێ."
بکوژێ دیارێنێ و پەشگۆشما نەوستێنێ
باقرخان واتش: "تاکە تاوانێوە ئی ئینسانێ بییەبۆشا؛ پێسە سەرۆک پەروینە واتش: کورد بییەی، پیشەگەری کوردبییەی، شوناس و زوان و گەلوو کوردی پارێزنیێنێ، خاوەندارێتی جانیشا کەرێنێ. هەرپاسە محەمەد ئاگر دانەش پینەیرە نیان و واتەنش 'چی وڵاتەنە هەزاران کەسێما کوشتێ، بە هەزاران ئۆپەراسیۆنێما کەردێ'. بکووژێ بە ئازادانە گێڵانە."
ئاشتی بە ڕووبەڕووبییەیۆ ویەردەی بۆنە
جە دماین و قسەکانە باقرخان ئاماژەش پانەی دا ئا ئەوەکۆشایە ٣١ ساڵێ چێوەڵتەر دەسشپنەکەرد بەردەواما و ٣٠ ساڵێ تەریچ بەردەوام بۆنە سەر و هەمان چێوی و واتش: "تاوەکو بکووژێ ساڤاشانەکێ، عەدنانەکا، ئاپێ موساکا، محەمەد سینجارەکا و هەزاران هەمڕێما دادگای نەکریا ئی ئەوەکۆشایە بەردەوام بۆنە. لواشۆنی بە ویەردە و ئی وڵاتەیە یۆن جد هەنگامە گرنگەکا ئاشتی. ئاشتی پەردەپۆشکەردە و ویەردەیش نییا، ئاشتی ڕووبەڕووبییەیۆ ویەردەین. قەولما پێکئاردە و ئاشتی و گلێرگە و دیموکراتیکییا."
