هەپەگە-نەڕەچە شناسنامەو یەرې گەریلایاش ئاشکرا کەرد کە زاپەنە گەشمەرڎۍ بیێنې و واتش: "لایەق بە یاڎکەردەیۆ هەمڕا گەشمەرڎەکاما بیمې و قەول مڎەیمې ئەوەکۊشایما بە سەرکۊتەی تاجدار بکەرمې."
مېیانو ئەرەیاۋنای و چاپەمەنی هێزەکاو پارېزنای گەلی (هەپەگە-نەڕەچە) شناسنامەو یەرې گەریلایاش ئاشکرا کەرڎ کە جە یەک کات و شۆنەنە جە هەرێمەکاو پارېزنای مەدیاینە گەشمەرڎۍ بیێنې.
ئەرەیاۋناکەو هەپەگە-نەڕەچەی پی جۊرەنە:
"هەمڕاکێما باهۆز شیلان، جومعە گۆیی و شیار کوردەسان جە ١٢ـو کانوونو دووەمو ٢٠٢٥ جە هەرێمو گەشمەرڎە دەلیلینە جە ۋەرنیشتوو زاپی جە جەنگ دژو دژمنیەنە گەشمەرڎې بیې.
هەمڕاکېما باهۆز شیلان، جومعە گۆیی و شیار کوردەسان جە مڎرامانی داستانینە دژو هرووژمە ئەرەگیریەکا سوپاو تورکی سەرو هەرێمەکاو پارېزنای مەدیای یاگې ۋێشا گېرت و پېسە میلیتانی فیدایی ئاپۆیی جە ئاژێوە فرە سەختەنە حیچ دووە دڵیێوەشا نەرمانا و درێژەشا بە ئەوەکۊشای دا. هەمڕاکېما جەختشا سەرو پێکئاوردەی تەکتیکی سەردەمی کەردۆ و جە وشکانی و مەڕەنە بەشدارې تیمې گەریلای پسپۆری بیې و کۊششی فرەشا بە سەرکۊتەیی ڕاوەبەر کەرڎ. هەمڕاکېما گرڎو هرووژمەکې سوپاو تورکیایشا پوچې کەردێوە و بە مڎرامانیشاوە هێزو ئیرادەو ئاپۆییشا سەلەمنا. ئەوەکۊشایشا گرڎ کاتې ڕاما ڕۊشنە مکەرۆوە. قسې و ڕەفتو هەمڕاکاما یەک چێو بې. بە جەختکەردەیۊیشا جە گورز ۋنەدای دژمەنی، بە ژیۋای خاکیانەیشاوە، هەمڕایی قوڵ و پسپۆری سەروازیشاوە بیې بە سەرچەمەو مۆراڵی. جە ئەوەکۊشای ئیساتې و ئایندەمانە هەمیشە هێز، مەعنەویەت و مۆراڵشا چنە هۊرگێرمې و بانې بە بەهای بنەڕەتییما. لایەقې بیمې بە یاڎکەردەیۆ هەمڕا گەشمەرڎەکاما و قەول مڎەیمې ئەوەکۊشایما بە سەرکۊتەی تاجدار بکەرمې.
سەرەوەشی ۋێما جە بنەیانەی ئېژاو هەمڕایاما باهۆز، جومعە و شیاری و گرڎو گەلو کوردەسانی وڵاتپارێزنیما مکەرمې و جە ئاستو یاڎ و یاڎەوەری گەشمەرڎە قارەمانەکامانە بە ڕێز و پنەزانایۆ سەرەما منامنمېرە.
زانیارییەکې سەرو شناسنامەو هەمڕا گەشمەرڎەکاما پی جۆرەنە:
ناسنامې / باهۆز شیلان
نامې و دما نامې / موسا کایە
شۊنەماو جە ئەڎابیەی / ئێلح
نامې ئەڎې و نامې تاتەی / ئەمینە – موحەمەد عەلی
شۊنەماو کاتو گەشمەرڎەبیەی / ١٢و کانوونو دووەمو ٢٠٢٥ / زاپ
**
ناسنامې / جومعە گۆیی
نامې و دما نامې / موحەمەد ئورەک
شۊنەماو جە ئەڎابیەی / شڕناخ
نامې ئەڎې و نامې تاتەی / ساریا - سدیق
شۊنەماو کاتو گەشمەرڎەبیەی / ١٢و کانوونو دووەمو ٢٠٢٥ / زاپ
**
ناسنامې / شیار کوردستان
نامې و دما نامې / ئەحەد قووە
شۊنەماو جە ئەڎابیەی / مەهاباد
نامې ئەڎې و نامې تاتەی / کوردستان - عوسمان
شۊنەماو کاتو گەشمەرڎەبیەی / ١٢و کانوونو دووەمو ٢٠٢٥ / زاپ.
*****
