هاوسەرۆکایەتی کۆنسەی بەڕێوەبەری کەجەکە لە ڕاگەیاندراوێکدا بەڕێز و خۆشەویستییەوە لە حەوتەمین ساڵیادی شەهید بوونییدا یادی عەلی حەیدەر قەیتانی کردەوە کە لە ٣ـی تەمموزی ٢٠١٨دا شەهید بوو.

ڕاگەیاندراوەکەی کەجەکە بەم شێوەیەیە:

"لە ١٢ـی ئاداری ٢٠٢٥دا شەهیدبوونی کادرانی پێشەنگی تەڤگەرمان هاوڕێ فواد-عەلی حەیدەر قەیتان و ڕەزا ئاڵتوون لەلایەن دیوانی کۆنگرەی ١٢ـەمینی پەکەکەوە ڕاگەیندرا. هاوڕێ فواد وەک سیمبوڵی 'دڵسۆزی بە ڕێبەرێتی، ژیانی پیرۆز و حەقیقەت' و هاوڕێ ڕەزایش وەک سیمبوڵی 'هاوڕێیەتی ئازادی' ڕاگەیاندرا بوو. دوای ئەوەی تەڤگەرمان شەهید بوونیانی ڕاگەیاند، گەلەکەمان لە چوارپارچەی کوردستان و دەرەوەی وڵات بەشێوەیەکی جەماوەری بە شکۆ، خۆشەویستی و پێزانینەوە هەردوو هاوڕێمانیان یاد کردەوە.

ئەمڕۆ ٣ـی تەممووزی ٢٠١٨ حەوتەمین ساڵیادی شەهیدبوونی هاوڕێ فوادە. جارێکی دیکە بەڕێز و پێزانینەوە یادی ڕێبواری سەرەتای تێکۆشانی ئازادیمان کە لەگەڵ ڕێبەر ئاپۆ هەنگاوی هەڵگرت، شەڕڤانی سەرکەوتوو هاوڕێ فواد دەکەینەوە و بەڕێزدارییەوە بەژنمان لە ئاست یادکردنەوەی هێژاییدا دادەنەوێنینەوە.

بێگومان شەهیدبوونی هەڤاڵ فواد بۆ تەڤگەر و گەلەکەمان ژانێکی گران بوو. هەبوونی وی بۆ تێکۆشانمان سەرچاوەیەکی ڕۆشنبیری، ڕێکخستنی و زیهنییەتێکی مەزن بوو. بە ڕێپێوانی شۆڕشگێڕی نیوسەدەییەوە بۆ تەڤگەر و گەلەکەمان بەهاگەلێکی مەزنی ئافراند. وەک مرۆڤێک، هاوڕێیەک، شۆڕشگێڕێک ئەوەی بیتوانبیایە بیکات لە بەرزترین ئاستدا دەیکرد. هاوڕێ فواد یەک لەو هەڤاڵانە بوو هاوڕێیەتی دەستپێکی ڕێبەر ئاپۆ، حەقی قەرار و کەمال پیری کرد. لەو ڕۆژەوەی کە ڕێبەر ئاپۆ سڵاوی پێیدا و تا ساتی شەهید بوونی بە باوەڕی، بڕیاڕداری، دڵخوازی و جۆشێکی مەزنەوە، بەبێ ڕاوەستان خۆشەویستییەکی زۆری ئاوێتانی تێکۆشانی ئازادی کرد و تەمەنی خۆی بەخشی. هەموو ساتێکی ژیانی بە تێکۆشان، ڕەنج، قوڵبوونەوە، وردبوونەوە، پەروەردەکردن و پێشەنگایەتیکردنی هاوڕێیانییەوە بەسەربرد. هاوڕێ فواد کە زانای چیا بوو، هێزی ماناداری کە بە کەڵەکەکردن، هێزی فیکری و قوڵبوونەوەی بێکۆتایی هەستەوەری هەموو کاتێک بووە هێز و خواستی تێکۆشان بۆ هاوڕێیانی. بە قوڵبوونەوەی ماناداریی و تێگەیشتنی لە ڕێبەر ئاپۆ، مۆراڵی دەبەخشییە هاوڕێیانی و ڕێگەی نیشان دان. کاتێک ڕێبەر ئاپۆ هەواڵی شەهیدبوونی بیست گوتی، 'هاوڕێیەک بوو کە لەخۆم باشتر لە من تێدەگەیشت'.

لە پێشکەوتن و زیادکردنی ئاستی تێگەیشتنمان و تێگەیشتن لە ڕێبەر ئاپۆ هاوکارییەکانی هاوڕێ فواد زۆر زۆرە. هەم مرۆڤێکی فیکری و ڕێکخستنی مەزن بوو، هەمیش پەروەردەکارێکی مەزن بوو. لەم ڕووەوە هەوڵدان، ڕەنج و قوڵابوونەوەکانی زۆر بوو. لە بەرانبەر هەموو ئەو شتانەی کە مرۆڤ و کۆمەڵگەی لە ئازادی دەگرتەوە، توڕەی و هەستیارییەکانی زۆر بوو. هەمووکاتێک ئەم توڕەییەی لەگەڵدا بوو، وە  دەیگۆڕییە هێزی تێکۆشان و فیکری.

هاوڕێ فواد کە ناتوانین بە چەند وشەیەک باسی شۆڕگێڕییەتیەکی و ڕەنجەکانی لە تێکۆشانی ئازادیدا بکەین، بەڕاستی سیمبوڵێکی مەزنی ڕاستەقینەی ژیانی پیرۆز و حەقیقەت بوو. هاوڕێیەک بوو کە شایستەی ئەوەیە بەم شێوەیە تێیبگەین و یادبکرێتەوە. بانگەوازی لە گەل و دۆستانمان دەکەین لە حەوتەمین ساڵیادی شەهیدی مەزنمان هاوڕێ فواد بە خاوەنداریکردن لە یادەوەرییەکانی یادی هەڤاڵ فواد بکەنەوە. جارێکی دیکە بە شکۆ، خۆشەویستی و پێزانینەوە یادی دەکەینەوە. بە بەجێبەجێکردنی سۆسیالیزمی کۆمەڵگەی دیموکراتیک لە کەسێتی هاوڕێ فواددا ئامانجی ئازادی پیرۆزی شەهیدانی ئازادی و شۆڕش پێکدێنین. بە بۆنەی ئەم ڕۆژەوە جارێکی دیکە ئەم بەڵێنەمان دووپاتەکەینەوە."