چالاکیی ئەرەنیشتەی پەی ئازادیی بەڎەنی ڕابەر ئاپۆی جە ٢٥و کانوونو دووەمو ٢٠٢١ یوە گرڎ ڕۆو چوارشەمێوە ۋەردەمو ئۆفیسو نەتەوە یۆگېرتەکانە جە شارو ژنێڤو سویسراینە بەردەواما، چالاکییەکە پاس وست حەفتەو ٢٣٢ هەمینیۆ.

چالاکییەکە بە سەرمەشقایەتی مېیانو گلېرگەو کوردی دیموکراتیکی ژنێڤی (دەکتەم) ئەنجامدریا، چالاکییەکە جە کەسایەتی بیشەنگ بروسک (ڕۆژدا بیلەن) و لەشکر جودی (مەتین تەتیک)ی کە جە ئاکامو هرووژمەکا دۆڵەتو تورکینە پەی سەرو هەرێمەکاو پارېزنای مەدیای جە کاتی جاوازەنە گەشمەرڎې بیې، بە دەیەقێوە ڕێزگېرتەی دەسش پنە کەرد.

بەنامې دەکتەمیوە، نایلە بوداکە قسېش کەردې و عەلی حەیدەر قەیتان (فوئاد) و ئا ٣٣ ڕۆشنۋیرەی جە ئوتێل مادیماکەنە گەشمەرڎې کریې، یادشا کریاوە.

ئەرەیاۋناو چالاکییەکەی جە لایەنو فەیسەڵ کوشکاندیوە ۋنیاوە، سەرنجش وست سەرو بانگەوازو ٢٧ و شوباتو ڕابەر ئاپۆی و ئیرادەی ئاشتی درێژخایەنی و چارەسەری دیموکراتیک جە ما بەینو گەلو کوردی و ۋەرکۊتو مېیامینینە.

کوشکاندی ئەرەیاۋناش کە حکومەتو ئاکەپەی هەڵای بانگەوازەکا پەی ئاشتی نادیدە گێرۊنە و داواو گلېرۆبیەی ڕاسەوخۆیش کەرڎ پەی دەسپنەکەردەی پرۆسەو گفتوگۆی.

کوشکاندی جەختش کەرڎۆ، مەشۊم زینانیا سیاسی و بەتایبەت زینانیې نەوەشې ئازاڎې بکریا، دمایی بە گۆشەگیری ڕابەر ئاپۆی بێنە و ئازادیی بەڎەنی بەدی بێنە. کوشکاندی داواش جە گەلو تورکی کەرد کە چی ئاژەنە، داواو ئاشتی بەرز بکەراوە و ژیۋای دیموکراتیک پارېزنا. تەئکیدش کەرڎۆ کە گەلو کوردی پەی ئاشتی ئامادەن و چارەسەری دیموکراتیک بەرژەوەندیێوە هامبەشا.

چالاکیی ئەرەنیشتەی تا سەعات ١٧:٠٠ بەردەوام بی.