هێزێوە سوپاو پاسدارا ئێرانی، سەر سەعبو هیزی هرووژمش کەرد سەر و دەگا و گونچی سەر بە شارو هاشو ئێرانی. جەئەنجامو هرووژم و هێزەکا ئێرانینە ژەنێوە گیانش جەدەسدان و ١١ ژەنێ تەرێچ بە سەختی زامڏارێ بیێنێ.
هێزێوە هەواڵگیری سوپاو پاسدارا ئێرانی، هیزی بەیانی هرووژمشا کەرد سەر و دەگا و گونچی سەر بە شارو هاشی پارێزگاو سیستانی و بەلوچستانو ئێرانی. جەئەنجامو هرووژمەکەینە ژەنێوە کوشیا و ١١ ژەنێ تەرێچ زامڏارێ بیێ.
بەپاو سەرچەمە هەرێمییەکا، هێزەکێ هەواڵگیری بەبەهانێ ئانەی هێزی ئۆپۆسزیۆنش ئینا چنە، هرووژمشا کەرد سەر و دەگاکێ. بەڵام شایەتحاڵێ ڕووەداکەی ئاماژەشا پانەی کەرد، کاتو هرووژمەکەینە دەگێ کێ هیچ چەکدارێوەش چنە نەبییەن و ئامانج چی هرووژمەی وەشکەردە و تەرسە و دڵەڕاوکێ دلێ دەگا نشینا بییەن. باس چانەیە کریا، سەروازەکێ بەشێوێ ڕاستەوخۆ خەڵکو مەدەنیشا بەئامانج گێرتەن.
بە پاو سەرچەمەکا جە هرووژمەکانە ژەنێوە خان بیبی بامیری (٤٠ ساڵ) ە کوشیێنە و هەرپاسە ١١ ژەنێ تەرێش زامڏارێ بیێنێ. هامکات ڕیحانە بیبی بامیریە یۆنە جا ژەنە زامڏار کریایا کە دووەگیانە بییەنە بەمەڵامەتوو هرووژمەکەی زاڕۆڵەکە جە بارشییەن.
