جە چوارچێوەو هەڵمەتۆو "ئازادی پەی ئۆجالانی، چارەسەری سیاسی پەی پرسو کوردی"نە کە ١٠ و نۊۋەمبەرو ٢٠٢٣ دەسش پنەکەرڎ، ٣٠ حوزەیرانی جە چەند شارێوە ئەمریکای لاتینی و ئۊروپانە چالاکی کریا.
سەرو بانگەوازی هامبەشو جمېیەرە ئینتەرناسیۆنالیستەکا و ڕێکوزیا کوردییەکا، ڕۆو چالاکیی جەهانی لواڕاوە. جە چالاکییەکا نەخشنای دیوارەکا، ۋێنیشاندای، پۆستەر هۊرواسای، گرووپەکاو ۋەنایۆی و چالاکییەکې ۋەردەمو نوێنەرایەتییە دیپلۆماتییەکانە، داواو ئازادیی بەڎەنی ڕابەر ئاپۆی کریا. هامکات بانگەواز جە دۊڵەتو تورکی و ئەرەمەرزیا مېیاننەتەوەییەکا کریا کە پرۆسەو ئاشتی دەس پنە بکەرا و زینانییە سیاسییەکا ئازاڎې بکەرا.
جە کۆڵۆمبیا و سویدەنە سەرو دیوارەکاوە وێنې گۊرې نەخشیې. سەرو وێنەکاوە، پەیامو "جە کەشەکانە شۊنیمارە مەگێڵدې، ئێمە ئینایمې گرڎ یاگێنە" پاڵو پۆرترێتو ڕابەر ئاپۆینە نویسیا بې.
جە شارەکا پېسە ئۆلوی فینلەندای و مارسیلیاو فەرەنسای، لافیتې و چالاکیی هۆشیارکەردەیۆ ئەنجامدریا.
جە لوبلیاناو سلۆڤینیای، جمېیەرو دژە دەسەڵاتی، لافیتێوەش بە نوویستەی "ئازادی پەی ئۆجالانی-ئاشتی و ئایندێوە دیموکراتیک پەی ۋەرکۊتو مېیامینی و جبەری" سەرو باڵیۆزخانەو تورکیایۆ هۊرواسا.
کەتەلۆنیانە، ئا کەسې جە چوارچێوەو فیستیڤاڵێوە هامنەینە کوې بیێوە، باسو هێزو چارەسەریی گەردوونیی کۆنفیدراڵیزمو دیموکراتیکیشا کەرد و پەیامو واڵەو_برایەتیشا پەی گەلو کوردی واوەی کەردۆ.
مارسیلیانە، بە سەرمەشقایەتی (CIMK) و کۆمیتەو جوانا کوردی، کۊششو هۆشیارکەردەیۆ ئەنجامدریا و تەئکیدکریاوە، مەشۊم بناغێوە سیاسی و یاسایی بنریۆرە پەی دەسپنەکەردەی پرۆسەو ئاشتی.
هەڵمەتەی مېیاننەتەوەیی
٦٩ زانې براوې سەوقاتی نۆبڵی، پاڵپەشتیشا جە هەڵمەتەکې کەرڎ. هەرپاسە تا ئیساتې نامە پەی سی پی تی، کۆنسەو ئۊروپای و نەتەوە یۆگێرتەکا کیانیان.
جە ساڵۊو دماینینە، هەڵمەتۆو ڕۊو ۋەنایۆ کتێبی، کۆنسێرت، چالاکی هونەری، مانگېرتەی جە واردەی زیاڎ جەە ٥٠ وڵاتانە بەردەوام بی.
