هېزی شەوې درۆنێوە بەبۆمچنیا ۋەرو کەمپو دەرکاری زاخۆی کۊت کە کۆچبەرە ئێزدییەکې چنەشەنە مژیۋا، جە ئاکامەنە ۋەننگەو کەمپەکەی بە تەمامی سۆت. هەرپاسە یەرې مووشەکې جە کەرکووکەنە کۊتێرە واری و جە ئاکامەنە دووې کەسې زامڎارې بیې.
هېزی شەوې درۆنێوە کە نەزانیان هینو کێن، ۋەرو کەمپو دەرکاری زاخۆی کۊت، کە ئاوارە ئێزدییەکێش چنە مژیۋا. حەرچڼە هرووژمەکە حیچ زەرەرێوە گیانیش چنە نەکۊتەنۆ، بەڵام ۋەننگەو کەمپەکەی بە تەمامی سۆت.
ئی هرووژمە ئینا کاتێوەنە هەر هېزی شەوې یەرې موشەکې جە پارێزگاو کەرکووکینە کۊتێرە واری، بەپاو زانیارییەکا دووې جە موشەکەکا ۋەروو فڕگەخانەو گرڎیی کەرکووکی کۊتێنې و پا مەڵامەتۆ دووې کەسې بە سوکی زامڎارې بیێنې.
ۋەرپەرسێوە ئەمنی بە ئاژانسوو هەواڵو فرانس پرێسیش ئەرەیاۋنان، دووې موشەکې جۆرو کاتیوشای ۋەرو بەشو سەروازی فڕگەخانەو کەرکووکی کۊتێنې."
ئا ۋەرپەرسە ئاماژەش پانەیچ دان موشەکی یەرەم ۋەرو یانێوە کۊتەن جە گەڕەکۊو عوربەی کە گنۊ پانیشتوو ۋەرکۊتوو شارەکەی.
تا ئیساتې حیچ گرووپو لایەنێوە ۋەرپرسیاری هرووژمەکاش نەگێرتەن ئەستۆ.
