ئێشە و ئەرەنیشتێ کەمپو پەنابەرا گەشمەرڏە ڕۆستەم جودی (مەخموور) بە مەراسیمێوە تایبەت یاڏ و گەشمەرڏە زیلانی (زەینەب کناجی)شا کەردۆ، یاڏ کەردەوەکەی جە ڕێکوزیا و بنەیانە و گەشمەرڏا کەمپو مەخمووری بە بەشداری ئەرەنیشتا کەمپەکەی بە دەقێوە ڕێز ونە نییای جە گەشمەرڏا ڕا و ڕزگاری دەسش پنەکەرد.

دماتەر ئەندامو کۆردیناسیۆنو ئەنجوومەنو عەشتاری، قیمەت نەرەخی دەربارەو ئەوەکۆشای گەشمەرڏە زیلانی قسێش کەردێ، نەرەخیە بە یاڏکەردەیۆ گرڏ و گەشمەرڏا جە کەسێتی گەشمەرڏە زیلانێنە دەسش بە قسەکاش کەرد و واتش: "چا پرۆسەنە وینیا گەشمەرڏە زیلانە چن بە قوڵی جە ڕابەر ئاپۆی یاوانەنە، بە چالاکییەکەیش پەی جەهانیش رۆشن کەردۆ ئەوەکۆشای سەر و هێڵە و ژەنا ئازادی چنینا. پی بۆنۆ ماچمی گەشمەرڏە مەمرۆ، ژەنی، ژیوای، ئازادی."

دما و تەمام بییە و قسەکا مەراسیمێ بە وانایۆ هۆنراوەی و واتە و گۆرانی درێژەش بێ، مەراسیمەکە بە نمایشکەردەی شانۆگەریی سەر و ئەوەکۆشای گەشمەرڏە زیلانێ دمایش ئاما.