گەشمەرڎە زیلانە کە ٣٠ ی حوزەیرانو ١٩٩٦ جە دێرسیم چالاکیی فیدایش کەرڎ، جە ٢٩ ەمین ساڵیاڎو گەشمەرڎەبیەیشەنە جە مېڎانوو گەشمەرڎە عەگیدینە جە کۆبانێنە یاڎەکریاوە. جە گلېرۊبیەکەینە وێنەو گەشمەرڎە زیلانې و ڕابەر ئاپۆی بەرزې کریێوە. جەماوەر درووشمۊو "گەشمەرڎې نمەمرا" و "بژیۋۆ سەرۆک ئاپۆ"یشا واتێوە.

دماو دەیەقێوە مردای پەی یاڎو گەشمەرڎا ئازادیی کوردەسانی، بەنامې کۆردیناسیۆنو کۆنگرە ستارو کانتۆنو فوراتیوە، زۆزان بەکرە قسێش کەردې، ئەرەیاۋناش زیلانە سەرمەشقۊو ئازادینە پەی ژەنا کوردی، واتش: "ئێمەیچ پېسە ژەنا، قەول مڎەیمې، هێڵۊو زیلانې بیاونمې بە قولەپۊپە و سەرکۊتەی. پېسە ڕابەر ئاپۆیچ واتش 'پرۆژە تەمام نەکریاکەیم  پېوەس بە ژەنا، بە ژنۆلۆژیای یاوا بە ئامانج.' ئێمە بە ڕۆحو زیلانەکا سەرې گنمې". 

دماتەر هونەرمەڼې تەڤ چاندی، هیلالی زێڕێنی و هونەرمەڼە فاتیمە کە جە حەلەبۆ ئامې بێنې، بەرهەمە هونەرییەکې ۋێشا پێشکەش کەردۍ. گلېرۊبیەکەی بە بەرهەمو گرووپە هونەرییەکا دمایش ئاما.