شاندێوە ئۊرووپی کە پێکئامێنې جە ئەکادیمی، سیاسەتمەدار، ڕۆنامەوانا و نوویسەرا بە سەرمەشقایەتی پلاتفۆڕۆمو ئاشتی و ئازادیی ئۆرووپای یاوې ئەستنەبوڵ و داواو ۋێشا پەی لوای ئیمراڵی یاونا بە نوسینگەو یاسایی سەدەی.
شاندێوە ئۊروپی جە چوارچێوەو هەڵمەتۆو 'گەرەکما چنی ئۆجالانی دیدار بکەرو' یاوا تورکیا، شاندەکە بە یاوایشا بە ئەستەنبوڵی سەرشا ۋنەو نوسینگەو یاسای سەدەی دا، شاندەکەو ئۊرووپای کە جە ٣٩ کەسایەتیا پێکمې داواو ۋێشا بە مەبەسو دیداری چنی ڕابەر ئاپۆی ڕادەسو نوسینگەو یاسای سەدەی کەرد.
هەڵمەتەکې پەی پاڵپەشتی جە چارەسەری دیموکراتیکی و ئاشتیانەو پرسو کوردی و ئازادی بەڎەنی ڕابەر ئاپۆی ئەنجام مڎریۆ، ئامانج جە هەڵمەتەکې یاونای داوای ئاشتیانەو گەلو کوردین بە ڕای گرڎیی جەهانی.
'پرۆسەکە پەنەوازش بە کاتی هەن'
پارێزنەرو نوسینگەو یاسای سەدەی ئیبراهیم بیلمەز سوپاسو شاندەکەیش کەرد و بە شاندەکەیش ئەرەیاۋنا ڕابەر ئاپۆ جە ساڵۊو ١٩٩٩ بەدمایۆ جە زینانو ئیمراڵینە ئینا چېرو گۆشەگیریێوە سەختینە.
بیلمەز جە قسەکاشەنە سەرنجش وست سەرو پرۆسەکەی و واتش: "چارەسەرکەردەی پرسێوە چامنە بنەڕەتی و کۆمەڵایەتی و تاریخی هەرمانێوە ئاسانە نییەنە. پەنەوازما بە کاتی هەن، پەنەوازا گرڎ جە کۊششەنە بیمې و ۋەرپرسیاری جە ئەستۆ گێرمې. هەرپۊکەی بیەو شمە چې فرە گرنگا."
'پاڵپەشتی جە ئېژا ئۆجالانی و گەلی مکەرمې'
دماتەر بەنامې شاندەکەیۆ پەرلەمانتاری ئیتالی فرانسیسکا سەراسانی قسێس کەردې و ئینەش وات: "ئارۆ ئینایمې چې پەی ئانەی نیشانۊو جەهانیش بڎەیمې پاڵپەشتی جە ئېژا ئۆجالانی و گەلی مکەرمې. هیواڎارێنمې ئی کۊشسې ۋەرفراوانتەرې با، مەڵامەتو ئامایچما پەی پەشتیوانیکەردەیا."
