'بارزانی ٢٠ هەزار هاموڵاتیۍ سووریایش دلۍ هێزەکاو پەدەکەینە مەرزنێنێرە'
مەحموود خۆشناو ئەندامو یۆبیەی نیشتمانی، ئەرەیاۋناش، مەسرور بارزانی ٢٠ هەزار هاموڵاتیۍ سوریایش دلۍ هێزەکاو زێرەڤانی پەدەکەینە ئەرەمەرزنێنۍ.
مەحموود خۆشناو كادری وەڵێکۊتەو یۆبیەی نیشتمانی سەبارەت بە ئەرەمەرزناو سەڎان هاموڵاتییا سووریای دلۍ هێزەكاو زێرەڤانینە جە لایەنو ۋەرپەرسا پەدەكەیۆ زانیاریش وەڵا کەرڎۆ.
مەحموود خۆشناو ئەرەیاۋناش، ئا ئەرەمەرزنایە بە مەعاشۍ فرۆ ئەنجامدریان، ئینەیچ ناڕەزایی حكومەتو بەغڎایش چنەکۆتەنۆ، كاتێ شاندو ئەنجوومەنو ئابووری عێراقی سەردای هەرێمیشا کەرڎەن، حكومەتو هەرێمی نامۍ سەرو لیستەكاش فاڕان پەی نامۍ هاموڵاتیا عێراقی، چونكی حكومەتو ناوەندی مەعاش و ئا كەساشە وەڵتەر مردنا بۍ.
مەحموود خۆشناو جەختش چانەیچ کەرڎۆ، مەڵامەتی سەرەكی ناڕەزاییەکا حكومەتو عێراقی سەرو ئی ناشەفافیەینە، حكومەتو هەرێمو کورڎەسانی ڕەڎش کەرڎۆ لیستو نامۍ هێزەكاش پەی حكومەتی ناوەندی بکیانۆ، هەرپاسە ئی پەرسە مشتومڕێوە سیاسی و داراییش جە بەینو بەغڎای و هەولێرینە وەشکەرڎ، چونكی پەیوەندی بەینو هەردووەلای جە بوارەكا بەشکەرڎەی نەوتۍ و داهاتە سنوورییەكانە ئاڵۆزا. پۊکەی چانەی مشۆ کە فشار سەرو حكومەتەكەو مەسرور بارزانی زیاڎ بکەرۆ، پەی ئانەی شەفافیەتێوە زیاتەر سەبارەت بە لیست و نامۍ فەرمانبەرا ئاراسەو بەغڎای بکەرۆ.
